Microsoft Qazaqstan jáne Tuńǵysh Prezıdent Qory  birlese  otyryp, bilim berýdegi pılottyq jobanyń iske qosyldy

2014 jyldyń 14 mamyrynda sársenbi kúni Qaskeleń qalasynda Microsoft Qazaqstan kompanıasynyń ókilderi «Bilim berýdegi seriktestik» (Partners in Learning) baǵdarlamasy sheńberinde Tuńǵysh Prezıdent Qorynyń qoldaý kórsetýimen oqytý úrdisinde ınovasıalyq AT-tehnologıalardy qoldaný jónindegi pılottyq jobanyń iske qosylǵany týraly habarlady. Atalǵan jobanyń sheńberinde Qaskeleń qalasyndaǵy Abaı atyndaǵy orta gımnazıa-mektebine ishinde bilim berýge arnalǵan Office 365,  Autocollage jáne DeepZoom sekildi bilim berý baǵdarlamalary men qosymshalary bar  Windows 8.1 operasıalyq júıesiniń negizinde jumys jasaıtyn  ASUS Transformer Book T100 utqyr noýtbýgynyń 13 sany tapsyryldy. Sonymen qatar,  oqytý úrdisinde utqyr noýtbýkter men bulttyq qyzmetterdi qoldaný boıynsha muǵalimderge arnalǵan trenıńter ótkizilip, Microsoft-tyń ınovasıalyq muǵalimderiniń  www.pil-network.com portalynda qoljetkizýge bolatyn qosymshalar tanystyryldy. İs-sharaǵa kelesi tulǵalar qatysty:

• Janar Rahymjanova, bilim berý sektorymen jumys jasaý bóliminiń jetekshisi, Microsoft Qazaqstan;
• Erkin Israıylov, Tuńǵysh Prezıdent Qory janyndaǵy «Qarasaı aýdanynyń bilim berý qory» Korporatıvtik qorynyń atqarýshy dırektory;
• Tursyn Saıbyrova, Abaı atyndaǵy orta gımnazıa-mektebiniń dırektory.

Sapaly bilim alý – adamnyń negizgi quqyǵy ǵana emes, sonymen birge keleshekke quıylatyn eń basty ınvestısıa. Ol - jekelegen qoldanýshylarǵa ǵana emes, sonymen birge jahandyq aýqymda jedel damyp jatqan eńbek qurylymyndaǵy tutastaı bir qaýymdastyqtar úshin jańa ekonomıkalyq múmkindikterge qoljetkizýdiń kilti. «Aldaǵy 10 jylda qurylatyn jumys oryndarynyń 80 paıyzdan astamy kompúterlik saýattylyq daǵdylaryn qajet etetin bolady. 21 ǵasyrdaǵy kez kelgen derlik jumys synı oılaı bilý, tıimdi qarym-qatynas qurý jáne úılesimdi túrde birlese jumys jasaı bilý daǵdylaryn qajet etedi. Qazirgi zamannyń osyndaı talaptaryna jaýap berý árbir oqýshymen jeke dara jumys jasaı alatyn jáne oqytý úrdisinde AT-tehnologıalardy qoldanatyn oqytýshylar bolǵan jaǵdaıda ǵana múmkin bolyp tabylady», - dep atap ótti  Microsoft Qazaqstannyń  bilim berý sektorymen jumys jasaý bóliminiń jetekshisi Janar Rahymjanova.

«Bilim berý úrdisinde utqyr noýtbýktardy paıdalaný kóptegen qolaıly jaǵdaılardy usynady. Bilim berý úrdisinde oqytýshy men oqýshynyń qoldanatyn búkil aqparaty kez kelgen ýaqytta qoljetimdi bolatyn jeńil ári utqyr qurylǵyda saqtalady. Qyzyqty ári oıyn-saýyq túrindegi baǵdarlamalar men qosymshalar kómegimen oqytýdyń ınteraktıvtiligi arta túsedi. Kózben kórýge bolatyn, keńistikte ornalasatyn oqytý ádisteri oqýshylardyń zeıinin shoǵyrlandyrýdyń ońtaıly deńgeıin barynsha qamtamasyz etetinin sońǵy zertteýler kórsetip otyr», - dedi Tuńǵysh Prezıdent Qory janyndaǵy «Qarasaı aýdanynyń bilim berý qory» Korporatıvtik qorynyń atqarýshy dırektory Erkin Israıylov.

«Bilim berýdegi seriktestik» (Partners in Learning) baǵdarlamasy bul –  aqparattyq tehnologıalardy qoldaný arqyly pedagogtar men oqýshylarǵa tolyǵymen óz múmkindikterin júzege asyrýǵa kómektesýge baǵyttalǵan Microsoft korporasıasynyń jahandyq bastamasy. Osy baǵdarlamanyń arqasynda oqytý mekemeleriniń túlekteri birlesken jumysty tıimdi uıymdastyrý, qarym-qatynas qurý jáne aqparatty saýatty túrde basqarý daǵdylaryn ıgeredi. «Bilim berýdegi seriktestik» baǵdarlamasy sheńberinde  Microsoft Qazaqstan QR Bilim berý mınıstrligimen birlese otyryp oqytýshylardyń, oqýshylar men stýdentterdiń AKT-ǵa qatysty quzyretterin damytý boıynsha is-sharalardy ótkizip, oqytý úrdisinde ınovasıalyq tájirıbelerdi qoldanýǵa qolǵabys etedi.

Microsoft tehnologıalary búkil álem boıynsha mektepterdiń 98 %-da qoldanylady. Kompanıanyń keshendi sheshimderi qaýipsiz túrde eń sońǵy tehnologıalardy óristetýge jáne búkil álemdegi oqytýshylardyń aldynda turǵan eń ózekti máselelerdi kelesi joldarmen sheshýge múmkindik beredi:

• Ónimdilik jáne shyǵarmashylyq. Búgingi kúni  Microsoft Office 365-ti 110 mıllıon oqýshy, oqytýshy jáne oqytý mekemeleriniń basqa da qyzmetkerleri qoldanady.  Microsoft kompanıasy Qazaqstanda Office 365 bulttyq qyzmetin bilim berý mekemeleriniń barlyǵyna tegin usynady. Atalǵan qyzmet birqatar ýnıversıtetter, kolejder men mektepterde belsendi túrde paıdalanylady. Atap aıtqanda, Nazarbaevtyń Zıatkerlik mektepterinde osy qyzmetti 10 myńǵa jýyq oqýshy paıdalanady.

• Biliktilikti kóterý. Microsoft oqytýshylardy jańa tehnologıalarǵa oqytatyn resýrstardy, onyń ishinde búkil álemniń 1 mıllıonǵa jýyq oqytýshysyn qamtıtyn Partners in Learning Network jelisin usynady. Munda biliktilikti kóterýge arnalǵan ınternet-kýrstarǵa, oqytýshylardyń óz áriptesterine arnap jasaǵan qoldanbaly nusqaý quraldary men oqý tapsyrmalaryna qoljetkizýge bolady.
• Mamandardy daıyndaý.Microsoft IT Academybaǵdarlamasy sheńberinde  8,5 mln. oqytýshy men oqýshy olarǵa óz bilimderin tolyqtyrýǵa kómektesetin ozyq tehnologıalarmen jumys jasaý daǵdylaryn ıgerýde. Sonymen qatar Teaching With Technologybaǵdarlamasy sheńberinde Microsoft búkil álem boıynsha oqytýshylarǵa oqytý úrdisin jaqsarta otyryp synyp jumysynda tehnologıalardy tabysty qoldanýǵa kómektesedi.
• YouthSpark bastamasy.Bul bastamada bilim alý, jumysqa turý jáne kásipkerlik sekildi negizgi úsh baǵyt boıynsha jastarǵa óz múmkindikterin júzege asyrýǵa qoldaý kórsetetin  Microsoft-tyń qoldanystaǵy jáne jańa baǵdarlamalary biriktirilgen.

Microsoft kompanıasy týraly

 Microsoft kompanıasy – qurylǵylar, baǵdarlamalyq jabdyqtamalar men  IT-qyzmetterdiń keń aýqymyn jetkizýmen aınalysatyn aqparattyq tehnologıalar salasyndaǵy álemdik kóshbasshy. Ol álemniń 190-nan asa elinde jumys jasaıtyn álemdegi eń iri korporasıalardyń biri bolyp tabylady.  Microsoft-tyń ónimderi men qyzmetteriniń qorjynyna ústeldik jáne jelilik operasıalyq júıeler, qurylǵylar (Xbox 360, Xbox One, Kinect, Surface jáne t.b.), serverlik qosymshalar, ústelge arnalǵan bıznes-qosymshalar jáne aqyrǵy tutynýshylarǵa arnalǵan keńselik qosymshalar, bulttyq sheshimder, ınteraktıvtik baǵdarlamalar, qyzmetter men oıyndar, Internette jumys jasaýǵa arnalǵan quraldar, ázirleme quraldary jáne taǵy da basqa sheshimder kiredi.  Microsoft kompanıasy Qazaqstan aýmaǵynda 2002 jyldan bastap qyzmet jasaıdy.