Kann kınofestıvaline Ádilhan Erjanovtyń "Úkili kámshat" fılmi baıqaýǵa túspek.
67-shi halyqaralyq doda búginnen bastap, 25 mamyrǵa deıin jalǵasady. Al, otandyq týyndy eki otbasynyń oqıǵasyn baıandaıdy. Janr boıynsha, bul fılm dramaǵa jatady. Biraq, kıno synshylar "qara komedıa" dep atap ketipti.
«Bul fılmdi biz ótken jyldyń jaz aıynda Almaty oblysynda túsirgenbiz. Týyndyny túsirýge nebári 2 aı ýaqyt jumsadyq. Al, Kann kınofestıvaline úmitkerlerdiń esimi 17 sáýirde anyqtalǵan. Biraq, aı sońynda dodadan tys fılmderdiń tizimi de belgili boldy. Sonyń ishinde men túsirgen týyndynyń bolǵany qýantady», - dedi "Úkili kámshat" fılminiń rejıseri Ádilhan ERJANOV.
Bıyl negizgi júlde - "Altyn pálma butaǵy". Ol úshin baıqaýda 18 fılmniń baǵy synalady. Kınoforýmnyń ózi basty rólde Nıkol Kıdman oınaǵan "Monakolyq Greıs" týyndysymen túrilmek. Sondaı-aq, otandasymyz Marǵulan Qapashevtiń "Erkin qustar" qysqametrajdy fılmi bıylǵy "Short Film Corner" baǵdarlamasy aıasynda kórsetiletin bolady.
