«Ańyz adamdaǵy» Gıtlerdiń daýy áli órship tur. Osydan áldekimder saıasat jasamaqshy...
    Gıtlerdiń ańyz adam ekeni ras, al Jarylqap Qalybaı naǵyz ultshyl!
Ia, Jarylqap Qalybaı naǵyz ultshyl! Ultjandy emes, ultshyl jáne osyndaı ultshyldar naq osy kezde bizge kerek. Bizdiń ata-babalarymyzdy da ótken ǵasyrdyń 30 jyldary ultshyldar dep atyp tastady emes pe.  Olar naǵyz ulty úshin basyn báıgege tikken ultshyldar bolǵany ras! Olardy nege atyp tastady?Óıtkeni olar, óz ulty úshin otqa túsetin adamdar - qyzyl ımperıa úshin asa qaýipti boldy. Sondyqtan da olardan tezdetip qutylý kerek boldy. 
Al, endi Jarylqap Qalybaıdyń da basyndaǵy jaǵdaı osyǵan uqsap kele jatyr. Ulttyń sózin sóıleý, ulty úshin kúresý ekiniń biriniń qolynan kele bermeıdi, ekiniń birine buıyra bermeıtin baq. Sondyqtan, Jaraısyń Jarylqap, osy baǵytyńnan taıma, alǵa! Al Jarylqapty jaýapqa tartamyz dep júrgenderdiń ózin jaýapqa tartý kerek. Máseleniń baıybyna barmaı, jala japqany úshin! 
«Ańyz adam», «Juldyzdar otbasy» jýrnaldaryn shyqqaly beri úzbeı jazdyryp alyp, otbasymyzben oqımyz. Bul basylymdar naǵyz qazaqy, ulttyq bolmystaǵy basylym. Bul basylymdar halyqqa ýnıversıtetterdiń bere almaıtyn bilimin berip keledi. Bul basylymdy oqyǵan saıyn oqyrmannyń dúnıetanymy, bilim kókjıegi keńeıip, kókirek kózi ashylady. Sondyqtan atalǵan basylymdardy jabýǵa eshqashan jol berýge bolmaıdy!
Al endi daýdyń taqyryby Gıtlerge keletin bolsaq, Gıtlerdiń ańyz adam ekeni ras. Bul jerde máselege jan-jaqty qaraý kerek. Sonshama halyqty sońynan erte bilý, óziniń bolashaq maqsattaryna sendirý - asa qabiletti adamnyń ǵana qolynan keledi. Sondyqtan Gıtler de tegin adam emes. Eger Gıtler boıyndaǵy qajyr-qaıratyn, keremet qabiletin nemis halqynyń jarqyn bolashaǵy úshin jumsaǵanda ol sóz joq úlken tabystarǵa jeter edi. Osy turǵydan kelgende de Gıtlerdi ańyz adam deýge bolady. 
Al jaýyzdyǵyna kelsek sóz basqa, ol naǵyz qanisher, qanshama adamnyń túbine jetti. Qazaqty qynadaı qyrǵan Goloshekın de jaýyz. Bular ózderiniń jaýyzdyǵymen tarıhta ańyz adam bolyp qalǵan joq pa?! Jýrnal Gıtlerdiń jaýyzdyǵyn nasıhattaǵan joq qoı, kerisinshe Gıtlerdiń júrgizgen saıasatynyń adamzat qoǵamy úshin asa qaýiptiligin kórsetti, eskertti. Onyń jaýyzdyǵynan, tutas bir halyqty arandatyp, orǵa jyqqan áreketinen bolashaqta sabaq alý úshin jazyp otyr. Ony Jarylqap Qalybaı jýrnaldyń birinshi betinde túsinikti tilmen jazdy ǵoı. Sonda álgi baıbalamshyl, jýrnalıs-symaqtar, saıasatshy-symaqtar teris jaǵynan, aıaǵynan bastap oqıtyn bolǵany ma? Eger basynan bastap oqysa Jarylqap Qalybaıdyń eskertýin kórgen bolar edi ǵoı...

Sózdiń túıini máseleniń baıybyna barmaı oıbaılap, attan salý topastyq, nadandyq, kórsoqyrlyq dep bilemin. Biz osy eki basylym, «Ańyz adam», «Juldyzdar otbasy» jýrnaldary úshin kúresýge daıynbyz!

Feısbýk paraqshasynan