Mamyrdyń 24 kúni saǵat 19.30-da Jambyl atyndaǵy Qazaq Memlekettik Fılarmonıasynyń konsert zalynda (Tóle bı jáne Sh.Qaldaıaqov kósheleriniń qıylysy) aqyn-sazger, dramatýrg, Táýelsiz «Platınaly Tarlan» syılyǵynyń laýreaty, «Parasat» ordeniniń ıegeri Israıl Saparbaıdyń «Seniń týǵan kúnińde» atty ádebı-mýzykalyq (poezıa, án, bı) shyǵarmashylyq keshi ótedi. Keshke tanymal estrada juldyzdary,  talantty jas ánshiler jáne T.Júrgenov atyndaǵy Óner akademıasynyń stýdentteri qatysady.

            Kúndelikti ótkizilip júrgen mashyqty, stereotıptik sıpattaǵy konsertterden atalmysh keshtiń basty aıyrmashylyǵy men ózgesheligi –  úsh birdeı óner salasynyń, ıaǵnı Poezıa, Án, Bıdiń bir-birimen kirigip, birigip tutastaı shyǵarmashylyq keshke aınalýy. Árıne, bul avtor úshin de, qoıylym rejıseri úshin de úlken eńbekti, yjdaǵatty izdenisti talap etedi.

            Aıta ketý kerek, ótken jyldyń 5-6-mamyry kúnderi M.Áýezov atyndaǵy Memlekettik akademıalyq drama teatrynda I.Saparbaıdyń «Mahabbat maýsymy» atty ádebı-mýzykalyq óner keshi ótken bolatyn. Kesh kórermen-tyńdarman qaýymy tarapynan úlken qyzyǵýshylyq týǵyzyp, jaqsy jańalyq turǵysynda baǵalandy. «Qazaqstan» Ulttyq telearnasy bul keshti tolyqtaı túsirip, birneshe ret kórermen nazaryna usynǵan bolatyn.

         Bul shyǵarmashylyq kesh -  rejıser men aqynnyń shynaıy dostyǵy men birneshe jylǵy shyǵarmashylyq tandeminiń ıgilikti jemisi. Anyǵyraq aıtqanda, ári ustaz, ári rejıser Murat Ábzelbaev, názik lırıkalyq aqyn – «Mahabbat shaıyry» Israıl Saparbaı ózderiniń óner órisindegi kópjyldyq tájirbıeleri men qarym-qabiletterin bir arnaǵa biriktirip, kópshilik ıgiligine usynyp otyr. Bul – izdeımin, tabamyn degen kisige Óner kókjıeginiń sheksizdigin ańǵartsa kerek.

Qurmetti,  jyr súıer qaýym!  Ulttyq ónerimizdiń kókjıegine taǵy bir kóz jetkizemin deseńiz, «Seniń týǵan kúnińde» dep atalatyn keshti kórip, tamashalańyz!

Baılanys telefondary:  8 701 360 66 63, 8 727 354 06 07    

Bıletter Fılarmonıa kasasynda satylady.

Sýret wikipedia saıtynan alyndy