Búgin  saǵat 16.00-de Qazaqstan Jazýshylar odaǵynyń Ádebıetshiler úıinde qazaqtyń klasık aqyny, Jaıyrdyń jalǵyzy, Alashtyń aıbozy Járken Bódeshulynyń 70 jyldyq mereıtoıyna baılanysty shyǵarmashylyq keshi ótedi. Bul týraly aqyn Toqtaráli  Tańjaryq facebook paraqshasynda  málimdedi. 

 Shyǵarmashylyq keshi  "Arǵy taýǵa -  asýmyn, bergi taýǵa -  belespin" dep atalady. Jyr keshine aqynnyń qalamdas dostary  men  ánshiler  qatysady. Qytaıdaǵy qandastarymyz "Bódeshtiń bóltirigi - 70-te" dep dýyldasyp jatyr desedi.

   Járken Bódeshuly 1944 jyly 15 mamyr da týǵan. QazMÝ-diń jýrnalısıka fakúltetin bitirgen. Halyqaralyq «Alash» ádebı syılyǵynyń jáne Túrki tilder elderi poezıasy İİ festıvaliniń laýreaty. Q.Sátbaevtyń 150 jyldyq mereıtoıyna arnalǵan halyqaralyq músháıranyń bas júldegeri. Dúnıejúzi qazaqtarynyń qaýymdastyǵynda bólim meńgerýshisi bolǵan. Qazir Qazaqstan Jazýshylar odaǵy basqarmasynyń ádebı keńesshisi. Merzimdik basylymdarda jáne memlekettik Kitap palatasynda jaýapty qyzmetter atqarǵan. Onǵa  tarta  jyr jınaqtarynyń avtory, ár túrli  basylymdarda  aqynnyń «Ańyraqaı beketindegi oı», «Qaraýyl tóbe», «General Jahar Dýdaev», «Ot pen sý» («Soros— Qazaqstan» qorynyń júldesi berilgen), «Tas besik», «Bostandyqtyń basy», «Sher», «Jalǵyz» atty dastandary jarıalandy.

 Jaıyrtaýdyń jalǵyzynyń jyr keshinen qapy qalmańyz, jyr súıer qaýym!

(Málimetter wikipedia saıtynan alyndy)