Qyrymnyń Reseıge qosylyp ketýine baılanysty 7 myńnan astam jergilikti tatarlar týǵan elin tastap ketti, dep habarlaıdy Tengrinews.kz  ÝINAN-ǵa silteme jasap. Bul týraly BUU janyndaǵy Ýkraınanyń ókili Iýrıı Sergeev málim etken. Ýkraına ókili bul málimetti BUU Nú Iorktegi shtab-páterinde jergilikti tatarlardyń 1944 jyly tarıhı otanynan deportasıalanǵanyna 70 jyl tolýyna oraı ótken saltanatty shara barysynda jarıalap otyr. Qyrymdyq tatarlar mundaı sheshimge "jartylaı araldy basyp alýshylar tarapynan kórgen qysymnan keıin" barǵan. Tatarlardy jón-josyqsyz tekserýshiler de, olardy qorqytyp-úrkitetinder de kóp bolyp otyrǵan kórinedi. Máselen, qýǵyn-súrgin qurbandaryn eske alýǵa arnalǵan sharaǵa qyrym tatarlardyń kóshbasshysy Mustafa Jemılev jiberilmegen edi.

Keshe, 18 mamyrda Sımferepolde qyrym tatarlarynyń deportasıalanǵanyna 70 jyl tolýyna oraı qaraly jıyn ótti. Jıynǵa qatysýshylar, ulttyq-aımaqtyq avtonomıa mártebesin anyqtaýǵa arnalǵan "qyrym tatarlarynyń ózderiniń tarıhı aýmaǵynda ózin ózi basqarý quqyǵyna ıe bolýǵa múmkindik beretin" rezolúsıa qabyldady. Odan bólek qyrym tatarlary jartylaı aralǵa jergilikti ulttyń deportasıalanǵanǵa deıingi tarıhı ataýyn qaıtarý qajettigin, Qyrym bıliginde tatar ókiliniń bolýyn maquldaıtyn arnaıy zań qabyldaý kerektigin, Quryltaı men Medjlısti Qyrymnyń negizgi halqynyń ókiletti organy retinde moıyndaýdy talap etken.

Abaı-aqparat