Túrik halqy Túrkıanyń 93 jyldyǵyn merekelep jatyr dep habarlaıdy «Qamshy» portaly. Osydan 93 jyl buryn, Atatúrik bastaǵan Túrik Uly Ult Májilisi Túrkıa respýblıkasyn jarıalaǵan bolatyn.
Túrkıa úsh tarapy teńizben qorshalǵan, Eýrazıany jalǵa turǵan memleket. Jer aýdanynyń 3 paıyzy Eýropa qurlyǵynda ornalasqan. Jer kólemi jaǵynan 37-shy oryn alady (783,562 km²). Birinshi Dúnıejúzilik Soǵysta Osmanly ımperıasynyń ydyraýynan ómirge keldi.
Túrkıa týraly shaǵyn málimetter bere ketsek, Túrkıa konstıýsıasy boıynsha Túrik topyraǵynda týǵan kez kelgen adam túrik bolyp sanalady. Túrik ákeden de, túrik shesheden de týǵan bala túrik bolyp esepteledi. Halqynyń 85 paıyzy Túrikter. Túrkıa qurylǵannan keıin ekonomıkasyn aýyl-sharýashylyǵyna baǵyttady. Túrkıa Ekinshi Dúnıejúzilik soǵysyna qatyspaǵan sanaýly elderdiń biri. Túrkıa Birlesken Ulttar Uıymyn qurǵan 50 eldiń biri retinde 1945 jyldyń 24 maýsymynda uıymǵa múshe boldy.
Túrik Respýblıkasy alǵashqy konstıýsıasy boıynsha Islam dinin memlekettik din etip jarıalaǵan. 1924 jyly 3 naýryzǵa deıin Musylman Halıfaty ómir súrdi. Halıfalyq joıylǵannan keıin, kóp uzamaı zań Respýblıkany zaıyrly el dep sıpattady. Búginde Túrkıada 10 shildedegi aqparat boıynsha 86 myń 762 meshit bar. Onyń 3 myń 318-si Ystambulda ornalasqan.
Túrik halqy ózderin tikeleı Túrik qaǵanatynyń, Kóktúrikterdiń urpaǵymyz dep sanaıdy. Tarıhyn 2000 jyldan astam ýaqytqa sozylady dep jazady.
Túrkıa G20 múshesi bolsa da, álemde damýshy elderdiń biri bolyp sanalady. Alaıda, ekonomıkasy Álemde Jalpy İshki Ónimi boıynsha 18-i, Jalpy Ulttyq Ónimi boıynsha 17-orynda. 1994 jyly 15 sáýirde DSU-ǵa múshe boldy. Eýropa ekonomıkalyq yntymaqtastyq jáne damý uıymynyń, Eýropa odaǵy keden odaǵynyń, Qarateńiz ekonomıkalyq áriptestigi uıymdarynyń da múshesi. Ekonomıkasy negizinen týrızm men aýyl-sharýashylyq, tasymal men ındýstrıaǵa baǵyttalǵan. Ystambul megapolısi arqyly álemde eleýli qarjy sektoryn da qolǵa ustap otyr.
Túrkıa Qazaqstan táýelsizdigin alǵashqy bolyp tanydy. Eki el arasynda dıplomatıalyq qatynas 1992 jyly 2 naýryzda ornatyldy.
