Jaqynda ǵana Japonıanyń Qazaqstandaǵy Tótenshe jáne ókiletti elshisi bolyp taǵaıyndalǵan Ichıro Kavabatty Almaty qalasynyń ákimi Baýyrjan Baıbek qabyldady.

Kezdesý barysynda B. Baıbek I. Kavabatty Qazaqstanda dıplomatıalyq mısıasynyń bastalýymen quttyqtady. Óz kezeginde, Japon elshisi Almaty men Japonıa arasyndaǵy berik ekijaqty baılanysty atap ótip, Japonıanyń ekonomıkanyń kóptegen sektorlarynda jemisti yntymaqtastyqty jalǵastyrýǵa nıetti ekenin aıtty.

Japonıa elshisin qabyldaǵan shahar basshysy aldaǵy ýaqytta da ekijaqty yntymaqtastyqpen jumys jasaıtyndyqtary týraly málimdedi.

Osy oraıda, 2016 jyldyń tamyz aıyndaǵy kórsetkishke qaraǵanda Almaty qalasynda japondyq 13 birlesken kásipor men 19 kompanıa tirkelgen. Sonymen qatar, kijaqty yntymaqtastyqty nyǵaıtýǵa serpin bergen joǵary deńgeıdegi birqatar saparlar da bolǵan eken. Al 2015 jyly qazan aıynda Japonıa Premer-mınıstri Sındzo Abeniń Qazaqstanda arnaıy resmı sapary eki el arasyndaǵy yntymaqtastyqty artyra tústi.

Qazaqstan men Japonıa arasyndaǵy odan ary jan-jaqty yntymaqtastyq pen dostastyqty nyǵaıtý maqsatynda aǵymdaǵy jyldyń qarasha aıynda QR Prezıdenti N.Á.Nazarbaevtyń Japonıaǵa sapary josparlanýda.

Baq.kz