Almatynyń  Áýezov  aýdanynda  ornalasqan  "Aqjol" saýda bazary órtendi, dep  habarlaıdy  TJ mınıstrliginiń baspasóz qyzmeti.

"Órt  6  maýsym kúni  saǵat  04.27-de  bastalǵan. 11 eki qabatty saýda  konteınerleri jana  bastaǵan.  Órttiń jalpy aýmaǵy 250 sharshy metr. Japa  shekkender joq. Órt  saǵat 5.30 shamasynda  óshirildi. Sóndirý jumysyna  60 órt sóndirýshi men  19  tehnıkalyq qurylǵy  jumyldyryldy",- delingen habarlamada.

Esterińizge sala keteıik, Almatyda  bazar  birinshi  ret  órtenip  otyrǵan  joq. Osyǵan deıin "Baraholka" bazary  birneshe  ret  órtenip,  bazar sońynda  súrilip  tastaldy. Mamyr aıynda Túrksib aýdanynda áýejaıǵa  jaqyn mańda  bazardy, aqpan aıynda Áýezov aýdanynda iri sharap  qoımasyn  órt sharpyǵan  bolatyn.