«Proton-M» zymyrantasyǵyshynyń apatyna óndiristik aqaý sebep boldy. Sarapshylar komısıasy oqıǵanyń mán-jaıyn anyqtaýmen aınalysyp, osyndaı qorytyndyǵa kelip otyr. 20 adamnan qurylǵan komısıanyń túsindirýinshe, zymyrantasyǵyshty qurastyrý kezinde qatelik jiberilgen. Esterińizde bolsa, «Proton-M» zymyrantasyǵyshy Baıqońyr ǵarysh aılaǵynan 16 mamyrda ushyrylǵan. Ol orbıtaǵa asa qýatty telekomýnıkasıalyq jer serigin alyp shyǵý tıis edi. Alaıda ushýdyń úshinshi satysynda zymyrannyń róldik qozǵaltqyshy isten shyqqan. Saldarynan zymyrantasyǵysh pen jer serigi Qytaı aýmaǵyndaǵy atmosferanyń qalyń qabatynda janyp ketti.
24.kz
