2014 jyldyń alǵashqy toqsanynda respýblıkamyzda alaıaqtyq deregi boıynsha 9067 qylmystyq is tirkelgen. Alaıaqtardyń qurbanyna aınalatyndar ádette eńbekke qabiletti jastaǵy azamattar, qarttar jáne kóbinese áıelder. 

«Bıylǵy jyldyń birinshi toqsanynda respýblıkamyzda 9067 alaıaqtyq deregi tirkelgen, ıaǵnı, ótken jylmen salystyrǵanda 20,4 paıyzǵa artyq. Al jalpy tirkelgen qylmystardaǵy úles salmaǵy 11,4%. Osy qylmystarǵa jalpy sany 2177 tulǵa (2013 jyly – 1403) qatysqan, onyń 997-si qylmystyq jaýapkershilikke tartyldy. Qylmystyq istiń toqtatylýyna baılanysty qylmystyq jaýaýpkershilikten 1180 adam bosatyldy», - deıdi mamandar. Bas prokýratýra qyzmetkerleriniń aıtýynsha, alaıaqtarǵa aldanatyndar kóbinese áıelder. Buǵan sebep azamattardyń quqyqtyq saýattylyǵynyń joq bolýy, muny alaıaqtar qylmys jasaý kezinde utymdy paıdalanatyn kórinedi. Statısıkaǵa júginsek, alaıaqtar qylmys jasaý kezinde kóbinese telefondy paıdalanady. Azamattarǵa telefon soǵyp, «týystaryńyz qylmys jasap, ýchaskege jetkizildi» dep aldaıdy. Sóıtip, máseleni sheship berýdi ýáde etip, aqsha talap etedi. Alaıaqqa aldanǵandar aqshany uıaly telefonǵa salady nemese úshinshi adamdar arqyly berip jiberedi. Alaıaqtyqtyń taǵy bir mysaly: kýáligin joǵaltqan azamattardyń gazette jarıalanǵan habarlandyrýlaryn muqıat oqyp shyǵyp, olarǵa telefon soǵady. Qujatty qaıtarý úshin telefonǵa aqsha salýdy talap etedi. Sonymen qatar, alaıaqtar jalǵa alǵan páterlerdi baspana izdegenderge birneshe aıǵa jalǵa berip, qolma-qol aqshasyn sanap alady. Aqshany alǵannan keıin ekinshi qaıtara qarasyn kórsetpeıdi eken.

bnews.kz