Táýelsizdik alǵannan bergi 23 jyldyń ishinde Parlament eki jarym myńnan astam zań qabyldasa, sonyń tek ekeýi ǵana qazaq tilinde jazylǵan. Úkimet tek qabyldanǵan qujatty ǵana memlekettik tilge aýdaryp otyrǵan. Keshe kezekti sesıany qorytyndylaǵan qos palatanyń birlesken otyrysynda Májilis tóraǵasy osyndaı málimetti jarıalady.

Depýtattar byltyrǵy qyrkúıekten bastap 104 zańdy maquldapty. Solardyń ishinde el esinde qalǵandary qylmystyq kodeks pen sán-saltanat salyǵy jónindegi qujattar boldy. Bárinen de kóshi-qon týraly zań qyzý talqyǵa túsken edi. Osy jańa ózgertýlerge sáıkes, oralmandarǵa tek 5 jyldan keıin ǵana azamattyq berilýi tıis bolǵan. "Sheteldegi aǵaıyndy syrtqa teptik" degen halyq bul zańǵa narazylyǵyn bildirgenimen, Májilis depýtattary únsiz maquldap jiberdi. Senatta bir-eki qarsylyq tanytqandarǵa qaramastan qujat qabyldandy. Sodan keıin bul áreketterin qate degen bılik endi 1 jyldan keıin azamattyq berýdi qolǵa alyp jatyr.

31 arna