Qazaqstan parlamentiniń qos palatasy - májilis pen senat búgin, 30 maýsym kúni úshinshi sesıasynyń jumysyn qorytyndylap, qyrkúıek aıyna deıin demalysqa shyqty.

Májilis baspasóz qyzmetiniń habarlaýynsha, úshinshi sesıa jumysy kezinde parlament 154 zań jobasyn qaraǵan. Olardyń 114-in úkimet, 11-in depýttardyń ózderi usynǵan. Parlament barlyǵy 104 zań jobasyn maquldap, onyń 80-ine prezıdent qol qoıǵan.

Parlamenttiń úshinshi sesıasynda maquldanyp, kúshine engen zańdar arasynda"Jol júrisi týraly" zań, úı men kólik salyǵyna qatysty túzetýler men ózgerister,kásipodaq týraly zań bar. Quqyq qorǵaýshylar bul zańdardyń keıbirin adam quqyqtaryn shekteıdi dep, prezıdentten olarǵa qol qoımaýdy suraǵan edi.

Prezıdentke qol qoıýǵa jiberilgen zań jobalary arasynda qylmystyq, qylmystyq-prosessýaldyq, ákimshilik kodeksteri de bar.

azattyq.org