2020 jylǵa deıin elorda tóńiregine 100 myń gektar orman otyrǵyzylady. Bul týraly keshe Astananyń jasyl beldeýin aralaǵan Elbasy Nursultan Nazarbaev aıtty dep habarlaıdy "QazAqparat".
«Barlyǵy da bul aǵashtar munda óspeıdi dep sanaǵan edi. Bul jer jaramsyz, tuzdy degender de boldy. Biraq, bizdiń ormanshylar men ǵalymdardyń birlesip durys ádis tabýy, tıisti kóshetterdi irikteýi nátıjesinde, jaıqalǵan orman ósip kele jatyr», - dedi Memleket basshysy elordaǵa taqaý tustaǵy «Jasyl aımaq» RMK Qyzyljar orman sharýashylyǵyn aralaý barysynda.
QR Prezıdentiniń atap ótýinshe, qazirgi tańda bul orman alqabynda 70 myń gektar aýmaqqa aǵash egilgen.
«2020 jylǵa deıin 100 myń gektar jerge aǵash otyrǵyzylady. Aıta keterligi, bul EKSPO-2017 kórmesin ótkizýmen baılanysty», - dedi N. Nazarbaev.
Pikir qaldyrý