"AŃYZ ADAM"-ǵa QATYSTY SOT SHESHİMİ - TİKELEI MÁSKEÝDİŃ NUSQAÝYMEN SHYǴARYLǴAN NAHAQ SHESHİM...

Almaty qalasynyń Almaly aýdandyq soty búgin "Ańyz adam" jýrnalyna nahaq sheshim shyǵaryp, ony jýrnaldy sotqa bergen 13 "ardagerge" bir-bir mıllıonnan, barlyǵy 13 mıllıon teńge tóleýge mindettedi.

Birinshiden, meniń sot sheshimin "nahaq" deý sebebim, arnaıy zańgerlik bilimi, sot júrgizý tájirıbesi bar sýdıa turǵaı, atalmysh jýrnaldy oqyǵan kez-kelgen qatardaǵy azamat úshin bul jýrnaldyń Gıtlerdi jáne fashızmdi nasıhattamaǵany, kerisinshe, áshkerelep, aıyptaǵany - aıdaı anyq aqıqat. Al, budan shyǵatyn qorytyndy - sot kópe-kórneý ádiletsiz, zańsyz sheshim shyǵaryp, jýrnalǵa ashyqtan-ashyq qıanat jasap otyr. Ekinshiden, "ardagerler" sózin tyrnaqshaǵa alý sebebim, basqasy - basqa, al, Ekinshi dúnıejúzilik soǵystyń shyn ardagerleriniń eshqaısysy, eger olardyń jýrnaldy oqyǵany ras bolsa jáne jalpy nıetteri durys bolsa, "Ańyz adamdy" eshqashan sotqa bermeıdi, kerisinshe, Gıtlerdi áshkerelep, aıyptaǵany úshin oǵan alǵys aıtady. Demek, 13-tiń jýrnaldy aıyptap, sotqa júginýi, menińshe, bul adamdardyń ardager atyna laıyq emes ekendigin jáne bul árekettiń olardy aqshamen qyzyqtyrý arqyly bılik tarapynan uıymdastyrylǵan áreket ekendigin kórsetedi. Úshinshiden, bul sot sheshiminiń tikeleı Máskeýdiń nusqaýymen shyǵarylǵandyǵyna meniń esh kúmánim joq. Nege deseńiz, Reseıdiń Ýkraınaǵa fashısik shabýylyna oraı Gıtler men gıtlerlik fashızmdi Pýtın men pýtındik fashızmge oryndy teńegen jýrnal sany shyqqan soń ile-shala, úsh kúnnen soń (21.04.2014 j.) Kreml Qazaqstan bıliginen "Ańyz adamdy" jazalaýdy talap etti (qarańyz: "Moskva prızyvaet k meram v svázı s vyhodom jýrnala o Gıtlere"). Odan beride elimizdiń satqyn bıligi Reseımen Eýrazıalyq odaq qurý týraly bodandyq kelisim-shartqa qol qoıǵany belgili. Endi, mine, "qazaq" sotynyń mynadaı masqara sheshimi shyqty. Al bul, ókinishke oraı, - Qazaqstannyń budan bylaıǵy jerde Qazaqstan zańdaryna nemese Qazaqstannyń táýelsiz erkine saı emes, Máskeýdiń otarshyldyq nusqaý-buıryqtaryna saı ómir súretindiginiń aıqyn dáleli...

Jasaral Qýanshalın