Elbasy portreti bar 10 myńdyq banknot
Táýelsizdiktiń 25 jyldyǵyna oraı Elbasy beınelengen 10 myńdyq sývenırlik banknot pen monetalar shyqty. 100 000 danamen taralǵan banknottyń dızaıny aınalystaǵy aqsha belgilerimen biryńǵaı stılde oryndalǵan: bet jaǵynda beıneler basym túrde tiginen, syrt jaǵynda kóldeneńinen ornalasqan. Banknottyń basym túsi - kókshil kúlgin.
Banknottyń syrt jaǵynda negizgi beıne Qazaqstan Respýblıkasynyń Tuńǵysh Prezıdenti, Ult Kóshbasshysy - Nursultan Ábishuly Nazarbaevtyń portreti bolyp tabylady. Portret qaǵazdyń betinde bederlikti qamtamasyz etetin jáne ustaǵan kezde seziletin ıntaglıo (tereń basý) ádisimen oryndalǵan. Álemdik tájirıbede bul ádis banknottardaǵy portretterdi oryndaǵan kezde dástúrli ádis bolyp tabylady.
Basqa aqsha belgilerimen qatar, bul banknot aınalysqa shyǵarylǵan sátten bastap zańdy tólem quraly bolyp tabylady, sondaı-aq barlyq tólemder men aqsha aýdarymdarynda qabyldanýǵa mindetti.
Taldyqorǵanda Nazarbaevqa qoıylǵan eskertkish
Merekege bir kún qalǵanda, 30 qarashada Nazarbaevqa eskertkish ornatyldy. Taldyqorǵandaǵy eskertkish memlekettik rámizder aleıasyna tur. Eskertkish avtory - músinshi Qazybek Satybaldın.
Eskertkishtiń ashylý saltanatyna Almaty oblysynyń ákimi Amandyq Batalov, máslıhat depýtattary men turǵyndar qatysty. Amandyq Batalov ashylý rásiminde sóz sóılep, eskertkish ashylǵan kúnniń "Qazaqstan úshin tarıhı kún" ekenin aıtty.
Almatyda Sondaı-aq, merekelik is-shara barysynda QR Tuńǵysh Prezıdenti Nursultan Nazarbaevtyń 1991 jyldyń 10 jeltoqsanynda óz laýazymyn atqarýǵa kirisýiniń saltanatty rásimin máńgi este saqtaý úshin estelik taqtanyń ornatylatyny aıtylady.
Astana qalasy ataýyn Nazarbaevtyń qurmetine ózgertý usynyldy
Qazaqstan depýtattary Astananyń ataýyn Nursultan Nazarbaevtyń qurmetine ózgertýdi usyndy. Parlamenttiń qos palatasynyń birikken otyrysynda májilis depýtaty Qýanysh Sultanov Astana men basqa da mańyzdy nysandar ataýynda Nazarbaevtyń esimi bolýy tıis degen pikir aıtty. «Táýelsizdiktiń uly joly máńgi bolýy tıis. Joǵaryda jarıalanǵandardy eskere otyryp, elordada Táýelsiz Qazaqstan monýmentin turǵyzý qajet. El Konstıtýsıasynda Tuńǵysh Prezıdent Elbasy Nursultan Ábishuly Nazarbaevtyń bizdiń memleketimizdi qurýdaǵy biregeı eńbegin atap ótýdi, Elbasynyń esimin elordanyń jáne elimizdiń basqa da nysandarynda kórsetýdi usynamyz», - dedi Sultanov.
Budan ózge, Qýanysh Sultanov Nazarbaevtyń eńbegin konstıtýsıada kórsetýdi de usyndy. Bundaı usynystardy Bekbolat Tileýhan bastaǵan bir neshe depýtat qoldady.
Elbasynyń suhbattaryndaǵy «kelesi prezıdent»
Nazarbaev Bloomerg News-ke bergen suhbatynda buryn eshqashan barmaǵan taqyryby kelesi prezıdent týraly aıtty. Ol óz suhbatynda kelesi prezıdenttiń kim bolatyny týraly suraqǵa ashyq jaýap bergen.
Elbasynyń aıtýynsha, onyń balalary taq murageri bolmaıdy. Prezıdent Qazaqstan bıliginiń konstıtýsıaǵa saı aýysatynyn, barlyq prosestiń tek zań sheńberinde júzege asatynyn jetkizgen. Elbasy sondaı-aq Qazaqstan prezıdenti bolyp saılanǵan adamnyń 5 jyldan 2 márte saılana alatynyn eskertip, óz josparlaryn júzege asyrýǵa barlyq qajyr-qaıratyn jumsaıtynyn aıtty. «Men 2020 jylǵa deıin jumys isteımin, 2020 jyly júzdeseıik», - deıdi Elbasy.
Aıta keter bolsaq, Prezıdent qurmetine bıyl ǵana is-sharalar atqarylǵan joq.
Mektepter men ýnıversıtetter
Qazaqstanda Astanadaǵy bedeldi ýnıversıtetke Elbasy esimi berilgen. Kembrıdj jáne Garvard sıaqty ýnıversıtettermen qatar turýǵa múddeli Nazarbaev ýnıversıteti 2010 jyly ashylǵan. Memleket basshysy – ýnıversıtettegi joǵary qamqorshylyq keńesiniń tóraǵasy.
Al budan birneshe jyl buryn Qazaqstan elordasynda birinshi Nazarbaev zıatkerlik mektebi ashyldy, qazirde mundaı bilim berý mekemesi elimizdiń búkil qalalarynda bar.
Qyzǵaldaqtar men hrızantemalar
Golandıa men Japonıada Qazaqstan prezıdentiniń esimi qyzǵaldaq jáne hrızantema túrlerine berilgen. Eki elde de gúlderdiń jańa túrlerine Elbasy esiminiń berilýi onyń bul elderge issaparmen barýyna baılanysty. Osylaısha, 2014 jyly «Qazaqstan prezıdenti» atty goland qyzǵaldaǵy paıda boldy, al osydan birneshe apta buryn Japonıa elindegi gúl kórmesinde dál osyndaı atpen hrızantemalar usynyldy.
Nazarbaev kósheleri
Qazaqstanda Elbasy qurmetine atalǵan kósheler joq, alaıda shetelderde Nazarbaev esimi kóshelerge jylma-jyl berilip jatady. Máselen, Qazanda jergilikti qazaq dıasporasynyń ótinishimen Nursultan Nazarbaev kóshesi «paıda boldy». Al, Túrkıada Qazaqstan basshysynyń esimi tórt qaladaǵy dańǵyldarǵa berilgen. Taý shyńy Nazarbaev esimi berilgen alǵashqy nysandardyń biri – Nursultan shyńy. Ol Tán-SHannyń İle Alataýy sileminiń soltústiginde ornalasqan. 1998 jylǵa deıin bul shyń Komsomol shyńy dep atalǵan bolatyn.
