«Ulymdy jalǵyz ósirýden basqa amalym joq. Iá, men onyń ákesiniń ornyn basa almaımyn. Biraq bala kezimde men sezgen nárselerdi ulym sezbeý úshin barymdy salamyn. Ulymnyń bir adamǵa kereksiz ekenin bilip óskenin, sezgenin qalamaımyn. Ákesi ulymyzdyń dúnıege kelýin qalady. Biraq keıde ómirde barlyǵy biz oılaǵandaı bolmaıdy. Imanáliniń ákesiz ósýine alyp kelgen jaǵdaılar boldy. Men onyń áıeli boldym. Áıeli bolǵan kezimde bala týyp berdim. Musylmansha nekemiz qıylǵan. Allaǵa shúkir, ulym zańdy dúnıege kelgen», – dedi Ábýova.

Alaıda prodúser ulynyń ákesine zań júzinde turmysqa shyqpaǵan. Sebebi ol otbasyly azamat bolǵan. Aıtýynsha, tanymal ánshiniń áıeli onyń kúıeýimen qarym-qatynasynan habarsyz.

«Allanyń qalaýymen bilmeı-aq qoısa deımin. Men ol áıeldiń de, balamnyń ákesiniń de ómirin qurtqym kelmeıdi. Al ekeýmiz qarym-qatynasymyz jaıly el bile bastaǵan soń aıyrylysyp kettik. Onyń birinshi otbasy buzylsa, ózimdi eshqashan keshirmes edim. Qyzdarǵa aıtarym, eshkimniń ekinshi áıeli bolýǵa kelispesin. Al meniń kelisken sebebim – onyń sendire, jetkize aıtqan jalǵan áńgimeleri. «Birinshi áıelimdi súımeımin. Endi tek seni súıemin» dep aıtatyn. Al men jas qyzdar sıaqty soǵan senip qaldym. Onyń jalǵan ekenin ulym dúnıege kelgen soń sezdim. Onyń kózqarasy, maǵan sóıleýi, minezi, qylyqtary – bári-bári ózgerip ketti. Ol kezde onyń meni de, ulymdy da qalamaıtynyn túsindim. «Kete ber, jolyń bolsyn» dedim. Ol «seniń de jolyń bolsyn» dep jaýap qaıtardy», – dep aǵynan jaryldy tanymal prodúser.

Janna Ábýova ulynyń ákesimen 2013 jyly aıyrylysqanyn, sodan beri onyń óz perzentin izdemegenin, qarjylyq jaǵynan da kómektespegenin aıtty.

Alaıda Ábýova onyń esimin ataýdy bolashaqtyń enshisine qaldyrdy.

«Iá, ol óte tanymal adam. Prezıdent emes, biraq tanymal. Ol da shoý-bıznes áleminen. Bir ortada júrgendikten kezdesip qalatyn kezderimiz de bolady. Biraq tanys emes adamdardaı ótip ketemiz. Qazaq halqy qatty jaqsy kóretin ánshi. Balamnyń ákesiniń kim ekenin aıtamyn, tek qazir emes. Aldymen ulym ósip, bul oǵan kerek pe, sony sheship alsyn. Shamamen jasy 15-16-ǵa jetsin. Óz betimen sheshim qabyldaıtyndaı jasqa jetken soń aqyldasyp sheshemiz»,- dep málimdedi Janna Ábýova.

Derekkóz: stan.kz