Instagram áleýmettik jelisinde paıda bolǵan stýdentter hatynda aqsha dámetken ustazdarynan sharshaǵanyn, tipti rektor atyna deıin shaǵymdanǵandaryn, biraq odan eshqandaı nátıje joq ekendigi jazylǵan.

Ózderin osy ýnıversıtettegi pedagogıka jáne psıhologıa fakúltetiniń stýdentteri dep ataǵan olar belgili bir ustazdar jaqsy baǵa qoıý úshin ashyqtan ashyq aqsha suraıdy deıdi.

Al buǵan narazylyq bildirgenderdi muǵalimderi namysyna tıip, „shákirtaqyńnan aıyramyn, jazdyq emtıhanǵa qaldyramyn„ dep qoqan-loqy kórsetetin kórinedi.
Bul hattyń avtory stýdentter atynan rektorǵa hat jazǵandaryn da biraq odan eshqandaı nátıje bolmaǵanyn aıtady.

Oǵan qosa, stýdentter qajet bolsa ózderinde bul aıypty dáleldeıtin aýdıo jáne vıdeo jazbalar baryn da aıtqan.
Stýdentter bul hat arqyly ýnıversıtet basshylyǵyna eskertý jasap, shara qabyldaýyn suraǵan. Áıtpese qoldaǵy dálelder sybaılas jemqorlyqqa qarsy qyzmetke joldanbaq.

„Talap etip otyrǵandaı aqshamen emes, óz basymyzben emtıhan tapsyrýǵa múmkindik berińizder„ dep jazady stýdentter.

Derek kózi: jasqazaq.kz