Táýelsiz Qazaqstannyń bokstan tuńǵysh Olımpıada chempıony, kásibı bokstaǵy alǵashqy qazaqstandyq chempıon Vasılıı Jırov Amerıkadaǵy ómiri týraly inform.kz-ke vıdeosuhbat beripti. "Qamshy" portaly ózge elde júrgen ulanynyń júrekten shyqqan syr-lebizin qazaqshaǵa aýdaryp, oqyrman nazaryna usynýdy jón sanady.
Halyq meni tanymaıdy emes, jaqsy tanıdy. Qaı jerde kórse de toqtap turyp qalyp, ózara áńgimelesip te qalamyz, keıbireýleri ózderiniń ystyq yqylastaryn da bildirip jatady. Bul, árıne, jaqsy, sondaı jaǵymdy sezim.
Men jattyqtyrýshy bolýdan qashqan emespin. Kerisinshe, ózimniń qolymnan keletin nárseni ózge adamdarǵa, bizden keıingi jas býynǵa úıretip, shákirt tárbıelesem dep oılaımyn. Sol shákirtterim de bolashaqta bıik shyńdardy baǵyndyryp, óz qabiletterimen elge eńbek etse eken deımin. Men úshin aqshanyń mańyzy joq, joǵary tólemaqy talap etpeımin, tek qabileti jaqsy bolsa bolǵany. Qolymnan kelse halyqtan kómegimdi aıamaımyn.
Men sportqa erte bastan qyzyǵýshylyq tanytyp, boksqa jetkenshe ár túrli sportpen aınalysa bastadym. Mysaly: júzý, kúres, t.b.
Ne sebepti boksqa kelip taban tiredim? Bir kezderi aty shýly bolǵan «Rokkı» fılmin kórip, sondaǵy bas keıipker Rokkıǵa eliktep, sol sekildi bolýǵa tyrystym. Sodan qatty qyzyǵyp, bilek sybana kiristim. Bastapqy kezde, árıne, biraz qıyndyqtar boldy, denem aýyryp, kógerip te ketetin. «Bul qıyndyqtan da ótemin» dep ózime ózim ýáde berdim.
Meniń birinshi jattyqtyrýshym Etıl Ravancha Pashınskııdiń maǵan sińirgen eńbegi óte zor. Ol kisi meniń tek bokser emes, adam bolyp qalyptasýyma zor yqpal etti. Ol óte qatal edi, sonyń arqasynda ómirdiń kóp qıynshylyqtaryna tózýdi úırendim.
Qazaqstanda qalýyma, árıne, bolar edi. Meniń shyqqan jerim Qazaqstan, sol sebepti de men qaı elde júrsem de, qaıda tursam da amerıkandyq azamat bolmaımyn. Eger meni elim kerek qylsa men oılanbastan qalar edim. Alaıda bul ýaqytqa deıin elimnen ondaı yqylasty baıqaı qoımadym. Eger men elime kerek bolsam, olar meni ózderi alyp qalar edi. Shyndyǵyna kelsek, ol jaqta men dál osy eldegideı jaqsy tura alsam, otbasymdy qamtamasyz ete alsam, nege qalmasqa?!
Qazaq eliniń halqy óte aqjarqyn, aqkóńil jandar. Al bul jerdiń adamdary tek baspen ǵana júredi. Qaı jerden, kim arqyly, qalaı aqsha tabamyn dep únemi oılaý ústinde júredi. Bul jaqta aqshań bolsa ómir súresiń, bolmasa aqshasy barlarǵa qyzmet etip, tipti solardyń qýyrshaǵyna aınalasyń.
Ózge elde júrip sultan bolyp, álemniń eń jaqsy sportshysy ataǵyn alyp tursań da ishimde bir muń jatady. Bul sezimdi sózben aıtyp jetkizý múmkin emes...
Qamshyger: Nazerke Labıhan
