Búgin Aqtóbe munaı óńdeý zaýyty aýmaǵynda jáne qala ishinde ótken arnaıy operasıa týraly Ulttyq qaýipsizdik komıteti habarlama taratty, - dep habarlaıdy Qamshy.kz.

«7 jeltoqsan kúni Ulttyq qaýipsizdik komıteti Jemqorlyqqa qarsy is-qımyl jónindegi Ulttyq búrojáne İshki ister mınıstrligimen birlesip Aqtóbe oblysynda jáne eldiń basqa da birqatar óńirinde munaı jáne munaı ónimderin urlaýmen, zańsyz satýmen aınalysqan uıymdasqan qylmystyq toptardyń qyzmetine tosqaýyl qoıý jónindegi kólemdi arnaıy operasıa bastady. Jedel izdestirý sharalary barysynda munaı urlyǵyna qatysy bar birneshe azamat ustalyp, munaı ónimderi quıylǵan avtosısternalar tárkilendi», - delingen habarlamada.

Sondaı-aq, Ulttyq qaýipsizdik komıteti munaı urlaýmen aınalysqandarǵa qylmystyq «qamqorlyq» jasap kelgen salafızm aǵymynyń birneshe ókili ustalǵanyn da habarlady.

Qazir ustalǵan azamattardyń turǵylyqty meken-jaılarynda, urlanǵan munaıdy satýǵa qatysy bar delingen kásiporyndarda tintý jumystary júrip jatqan kórinedi.

Qolda bar derekter boıynsha, Aqtóbedegi munaı óńdeýshi zaýyt 2011 jyldyń naýryzynda ashylǵan. Sol jyldyń sáýir aıynda alǵashqy ónim shyǵaryldy. Alǵashqy jyldary 150 myń tonna munaı óńdelip, 2013 jyly qýattylyǵy 300 myń tonnaǵa jetken.