Álemdik BAQ ókilderi AQSH-tyń jańadan saılanǵan Prezıdenti Donald Tramp Aqordamen telefon arqyly baılanys kezinde Nursultan Nazarbaev basqaryp otyrǵan Qazaqstannyń jetistigin «ǵajaıyp» dep baǵalaǵanyn jazady.

Donald Tramp eń qýatty álemdik derjavany basqarýǵa daıyndalyp júr jáne geografıalyq jaǵynan alǵa jyljymaq nıette. Álbette, Reseı men Qytaı aralyǵyndaǵy on iri memleketke kiretin, áli de sarqylmaǵan resýrstary bar Qazaqstandy baıqamaı qala almady. Qazaqstannyń 25 jyl buryn ǵana álem kartasynda paıda bolǵanyn Tramp «ǵajaıyp» dep baǵa berdi. Tek bul memlekettiń shırek ǵasyr buryn emes, bes júz jarym jyl buryn paıda bolǵanyn bilmese kerek-ti.

Batystyq adamdardyń Shyǵys jáne Ortalyq Azıa elderi jaıly «álsiz» bilimderi álemdi qabyldaý jaǵynan birjaqty baǵyttalǵan dep oılamaı, memleketterdi joqqa shyǵara salýdy durys kóretin syńaıly. Bilimderin stereotıpterge almastyryp, Qazaqstan Keńes Odaǵynyń emes, Altyn Ordanyń qulaýynan paıda bolǵan memleket ekenin esterinen shyǵaryp ala beredi. XV ǵasyrdyń ózinde Kereı men Jánibek óz elin qurý maqsatynda shyǵysta  Deshti Qypshaqtan bastap Moǵolstanǵa deıin, batysta Jetisýǵa deıin bıledi.

Donald Tramp 1991 jyly 16 jeltoqsanda Qazaqstan qurylmaǵanyn, kerisinshe, Ulttyq Memlekettiń qaıta qalpyna kelgeni jaıly, tipti, seziktenbegen de shyǵar. Áıtpese, ol qazaq tarıhynyń sońǵy 25 jylyn emes, 550 jyldy atap ótetindeı edi.

Aýdarǵan Shaıhy Maral