Qashaǵan ken ornynyń ashylýynda Elbasy zalda otyrǵan jas jigitke kózi tústi. 2000 jyly 7 jastaǵy Berik dál sol Qashaǵan aımaǵynda Elbasymen kezdesken edi. Nazarbaev sol balanyń betine óz qolymen munaı jaqqanyn esine aldy dep habarlaıdy mgorod.kz

2013 jyly ol balamen "Bolashaq" zaýytynyń ashylýynda ekinshi ret kezdesken eken. Ol kezde Berik Uly Brıtanıadaǵy Manchesterlik ýnıversıtette bilim alyp júrgen.

Beriktiń tańdaǵan mamandyǵy - munaıshy, shet elde bilim alyp, jarty jyldan beri týǵan ólkesindegi Qashaǵan ken ornynyń damýy úshin óz munaı óndirisinde eńbek etip keledi. 

Búgin, ıaǵnı, 7 jeltoqsandy Elbasymyz Atyraýdaǵy Qashaǵan eldi mekeninde ornalasqan ken ornyn resmı túrde iske qosty.

 - Barsha Qazaqstandyqtardy osy úlken qýanyshpen - Qashaǵan ken ornynyń iske qosylýymen shyn júrekten quttyqtaımyn, - dep  Elbasymyz óz lebizin bildirdi.

Sonymen qatar táýelsizdik jyldarynda atyraý halqynyń qanshalyqty ózgergendikterin málimdedi.

 - Atyraýlyqtar qazirgi tańda múldem basqa adamdar, olardyń arasynda shet el fırmalarynda jáne kúrdeli óndiris oryndarynda ınjener bolyp qyzmet atqaryp júrgen myqty mamandar kóp, ózge tilderdi óte jaqsy meńgergen, sol sebepti de dál sondaı adamdar elimizdiń eńsesin kóteretin tulǵalar, - dedi Núrsultan Nazarbaev. - Men Atyraý turǵyndaryn táýelsizdik merekelerimen quttyqtap, aldaǵy ýaqyttarda tabys tileıin dep arnaıy osy qalaǵa taban tiredim.

2016 jyldyń 1 qarashasynda Qashaǵandaǵy munaı óndirisi bir táılikte 75 barel kórsetkishin qurady. Qazirgi ýaqytta bul kórsetkishti 180 myń barelge kóterý maqsatynda qarqyndy jumystar atqarylyp jatyr.

Osy jyldyń aıaǵyna deıin 1 mln. tonna munaı men 680 mln. tekshemetr gaz óndirý josparlanyp otyr. Al kele jatqan 2017 jylda 8,9 mln. munaı men 5,6 mlrd. tekshemetr gaz óndirý kózdeldi.

Qashaǵan ken ornynyń ashylýynda Elbasymyz Atyraý oblysynyń 13 munaı qyzmetkerlerin marapattady. Sonan soń sheteldik NCOC kompanıasynyń ınvestirlik-aksıonerlik qoǵamymen kezdesý boldy.

Aýdarǵan: Nazerke Labıhan