Qazaqstanǵa oralǵanymen elimizdiń kóshi-qon zańnamasyn buzǵany úshin keri qaıtarylǵan qandastarymyzdyń qarasy qalyń. Solardyń qatarynda 9 jastaǵy Meıirgúldiń de ata-anasy bar. 

Qazirgi ýaqytta Almatyda jalǵyz ózi qalyp, týystarynyń úıin panalaǵan kishkentaı qyz búgin elordaǵa arnaıy kelip, muńyn İshki ister mınıstri Qalmuhanbet Qasymovqa aqtardy, dep habarlaıdy inform.kz

«Nur Otan» partıasynda ótken qoǵamdyq qabyldaýda Meıirgúl mınıstrge arnaıy jazylǵan ótinishin tabystady. Ata-anasymen tez arada qaýyshatyndyǵyna úmit artqan ol el Táýelsizdigiń 25 jyldyǵyna oraı shetten oralǵanǵanymen Qazaqstannyń kóshi-qon zańnamasyn buzyp keri qaıtarylǵan qandastarymyzǵa da raqymshylyq jasalsa deıdi.

Meıirgúldiń mınıstrge jazǵan hatyn:

«Qalmuhanbet Qasymov ataǵa ótinish! Meniń atym  Meıirgúl. Jasym 9-da. Almaty qalasyndaǵy №93 mekteptiń 3 «á» synybynda oqımyn. 2013 jyly Qytaıdan Almatyǵa kóship kelgenbiz. Ol jaqta qytaı balabaqshasynda oqydym. Ata-anam meni qazaqsha oqytamyn, qyzym qazaq bolyp óssin dep, men úshin Qazaqstanǵa kóship keldi. Ákemniń aty  Ularbek, anamnyń aty  Oralhan. Biraq ákem men sheshemdi polısıa quqyq buzdyń dep Qytaıǵa shyǵaryp jiberdi. 5 jyl kele almaıdy eken. Men Almatyda jalǵyz ózim qaldym. Men ata-anamdy qatty saǵyndym. Túnde tósekte jatqanda kúnde jylaımyn. Olar kúnde túsime kiredi. Tez kelse eken dep Alladan kúnde tileımin. Qalmuhanbet ata men sekildi sizdiń de nemereńiz bar shyǵar, maǵan kómektesińizshi, ótinemin. Ákem men shesheme jáne sondaı kisilerge bir jolǵa raqymshylyq jasańyzshy. «Nur Otan» partıasyna sol úshin Almatydan keldim. Olar Qazaqstan tez qaıtyp oralsynshy. Men olardy qatty saǵynyp kettim».