Jelide 90 jastaǵy almatylyq keıýananyń Aıaz ataǵa jazǵan haty jarıa boldy, - dep habarlaıdy Tengrinews.kz. Bul hatty oqyǵan qoldanýshylar kóńilderi bosap, oǵan kómek qolyn sozýǵa nıet bildirip otyr.

Aıaz ataǵa jazǵan hatynda ájeı Jańa jylǵa azyq túlik suraıdy. 

"Qurmetti Aıaz ata, saǵan tuńǵysh ret jazyp otyrmyn. Men 90-damyn, soǵys kezinde zaýytta jumys istedim, 45 jyly ákemdi halyq jaýy dep atyp tastady. Anam ekeýmizdi orman shabýǵa Sibirge aıdady. Kóp suramaımyn, túrli azyq-túlik ákelesiń dep úmittenemin, áıtpese bar qarajatym dári-dármekke ketip jatyr. Et, az mólsherde un, makaron, qant, adamdar jeıtin. Qalyp jatsa, meniń úıime berip jibershi", - delingen Tamara ájeıdiń hatynda.

Eriktilerdiń aıtýynsha, 90 jastaǵy ájeı baraqta turady eken. "Ájeı jalǵy turady, baraqta turady, 12 sharshy metr. Ol eńbek maıdanyna qatysqan", - deıdi eriktiler.

"Taıaýda oǵan baryp, ne kerektigin suraǵanbyz. Bastapqyda qarsylyq bildirdi, keıin "et jegim keledi" dedi. Sebebi zeınetaqysy aıdyń basynda eken de, sońyna deıin aqshasyz qalady eken - ony kórshi Olá ájeı asyrap otyr eken. Zeınetaqysy jetpeıdi. Múmkindigim bolyp jatsa, azyq-túlik ákep beremin, biraq úzdiksiz kómektesip tura almaımyn. Qor da múmkindiginshe kómektesip jatyr, emin jasap berdi, azyq-túlik beredi. Biraq olar da úzdiksiz kómektese bere almaıdy, mundaı qarttar kóp", - deıdi eriktilerdiń biri.