Semeı turǵyny óziniń tiri ekendigin sotta dáleldeýge týra keldi dep habarlaıdy tengrinews.kz

45 jastaǵy er adam temirjol emhanasyna kelgende, oǵan qujat boıynsha  1 jyl buryn óli adamdardyń qataryna kirgenin aıtqan. Qostanaı oblysyndaǵy Fedorov aýylynda  turatyn áıel óldige sanalǵan er adamnyń qaıtys bolǵany týraly medısınalyq anyqtama suratqan. Onda 1 jyl boıy ólilerdiń qatarynda júrgen adamnyń aty-jóni, týǵan jyly, JSN, meken-jaıy kórsetilgen.

«Dárigerler meniń qaıtys bolǵanym týraly aıtqanda eseńgiretip qaldym. Maǵan HQO barýǵa keńes berdi. 45 jasqa tolýyma oraı jeke kýáligimdi de  aýystyrýym qajet edi. Onda da meniń derekterimdi óshirip tastaǵanyn jetkizdi. Qujat boıynsha men 2015 jyldyń 24 shildesinde qaıtys bolǵan ekenmin» deıdi er adam.

Ótken jyldyń 24 shildesinde Qostanaı oblysynda onymen attas Androsov Andreı Nıkolaevıch qaıtys bolǵan eken. Tek ol  jyly emes, 1974 jyly týylǵan.  

«Men ólgen adamdardyń qataryna engen ýaqytta, otbasymmen Taılandta demalyp júrgenmin. Ózim týraly kútpegen jańalyqty estigende, qostanaılyq áıelmen habarlastym. Ol morgtan kúıeýiniń ólgeni týraly anyqtamany alý barǵan.Qolynda kúıeýiniń jeke kýáligi bolmaǵan eken. Tek kóshirmesi. Aty-jónimiz sáıkes kelgen de dál osyndaı jaǵdaıǵa ákep soqqan» deıdi Andreı Nıkolaevıch.

Ol sotqa júginip, 6 qańtarda onyń ólimi týraly sheshimdi joıý týraly qaýlynyń shyǵýyn kútip júr.