«Qazpochta» AQ jáne Ýnıversıada Dıreksıasy ózara seriktestik pen “Almaty qalasyndaǵy 2017 jylǵy 28-shi Dúnıejýzilik qysqy Ýnıversıada» taqyrybyndaǵy arnaıy poshtalyq markanyń aınalymǵa engizilgenin habarlaıdy.
Markaǵa mór basý saltanaty keshe Ýnıversıadanyń «Almaty Arena» atty jańa ǵımaratynda ótti. İs-shara barysynda «EMS-Kazpost» 2017 jylǵy Ýnıversıadanyń resmı kýreri bolatyndyǵy jarıalandy.
Markaǵa mór basý saltanatyna Almaty qalasyndaǵy 2017 jylǵy 28-shi Dúnıejýzilik qysqy Ýnıversıadany uıymdastyrý jáne ótkizý Dıreksıasynyń jetekshisi Naıl Nýrov jáne «Kazpochta» AQ-nyń «EMS-Kazpost» fılıalynyń dırektory Erkınbek Dýskýjanov qatysty.
«Biz 2017 jyldyń Dúnıejúzilik qysqy Ýnıversıadasynyń resmı kýreri «Qazpochta» AQ-nyń «EMS-Kazpost» fılıaly bolǵanyn qýana habarlaımyz. Dıreksıamyzdyń korespondensıasyn álem boıynsha ǵana emes, sonymen qatar elimizdiń kez-kelgen turǵylyqty mekenine jetkize alatyn kompanıany tańdaý biz úshin óte mańyzdy. Aldymyzda qoıylǵan maqsattarymyzǵa «EMS-Kazpost» tolyǵymen seıkes keledi. Sonymen qatar, bul kompanıa estafeta alaýyna kerekti iri gabarıtti júkti tasymaldaıdy. «Qazpochta» aramyzdaǵy seriktestiktiń nátıjesinde, búgin biz Almaty qalasyndaǵy 2017 jylǵy 28-shi Dúnıejýzilik qysqy Ýnıversıadaǵa arnalyp shyǵarylǵan poshtalyq markalarǵa mór basý saltanatynyń kúágerlerimiz. Aıryqsha is-sharalarǵa oraı arnaıy marka shyǵarý, sol is-sharanyń el úshin mańyzdylyǵyn kórsetedi» - dep Ýnıversıada Dıreksıasynyń jetekshisi Naıl Nýrov atap ótti.
«Biz 2017-jylǵy Ýnıversıadanyń resmı kýreri bolý usynysyn qýana qabyldadyq. Sport degenimiz - qozǵalys, jyldamdyq jáne eńbekqorlyq, osynyń barlyǵy bizdiń jumysqa da uqsas. Bizdiń qyzmetkerlerimiz sálemdemelerdi sapaly jáne barynsha tez jetkizýge tyrysyp, eń úlken júldege, ıaǵnı klıenttiń rızalyǵyna kúndelikti talpynady.
Osy seriktestiktiń barysynda biz shet memleketterge 1000-nan astam sálemdemelerdi jetkizemiz, al Qazaqstan boıynsha 10 tonna shamasyndaǵy iri gabarıtti júk tasymaldaımyz. Sonymen qatar, biz taýarlar men basqa da qundylyqtardy saqtaýǵa arnalǵan 500 sharshy metrlik qoımany paıdalanýǵa beremiz» - dep Erkınbek Dýskýjanov, «Kazpochta» AQ-nyń «EMS-Kazpost» fılıalynyń dırektory bólisti.
“Almaty qalasyndaǵy 2017 jylǵy 28-shi Dúnıejýzilik qysqy Ýnıversıada» taqyrybyndaǵy «Sport» toptamasyndaǵy poshtalyq bloktyń markasy 4 boıaýly ofsetti tásilmen basylǵan, perforasıasy jaqtaýly. Bloktyń ólshemi 90 h 100 mm. Markanyń ólshemi 28 h 40 mm. Taralymy – 7 500 blok. Sýretshi K. Plýjnıkova. Belgilengen baǵasy 300 teńge. Poshtalyq markalar «Qazaqstan Respýblıkasy Ulttyq Bankiniń Banknot Fabrıkasy» Respýblıkalyq memlekettik kásipornynda basyp shyǵaryldy.
