AQSH prezıdenttik saılaýynda jeńip shyqqan Donald Tramp The Celebrity Apprentice realıtı-shoýynyń atqarýshy prodúseri bolady dep habarlaıdy RIA. Ol NBC telearnasynda eki aılyq úzilisten keıin 2 qańtarda kórermenge jol tartady. Júrgizýshisi – Arnold Shvarsneger.
2004 jyly Tramp NBC arnasynda shyǵatyn «Oqýshy» atty realıtı-shoýynyń júrgizýshisi ári atqarýshy prodúseri qyzmetin atqarǵan. Sondaı-aq kóp jyldar boıy The Celebrity Apprentice shoýyn júrgizdi.
Tramptyń esimi baǵdarlama júrgizýshi Mark Bernetten keıin ekranda shyǵatyn bolady. Olardan keıin Arnold Shvarsnegerdiń aty atalady. Ol da shoýdyń atqarýshy prodúseri.
Tramptyń jańa teleshoýda jalaqyǵa jumys isteýi múddeler janjalyn týyndatýy múmkin.
Tramp ákimshiliginiń ýákili Djeıson Mıller prezıdent saılaýynda jeńiske jetken Donald Tramp óziniń AQSH kompanıasyndaǵy aksıasyn maýsym aıynda satyp jibergenin aıtqan. Ondaǵy maqsat – múddeler janjalyn boldyrmaý.
