QR Parlamenti Senatynyń tóraǵasy Qasym-Jomart Toqaev Astanaǵa kóship kelgen ýaqytta basynan ótkizgen qyzyqty oqıǵany eske aldy dep habarlaıdy baq.kz

Internette QR Parlamenti Senatynyń tóraǵasy Qasym-Jomart Toqaev pen QR Prezıdenti Ákimshiliginiń basshysy Ádilbek Jaqsybekovke qatysty qyzyqty vıdeo jarıalandy. Rolıkte Qasym-Jomart Toqaev QR Parlamenti Astanaǵa qalaı kóship kelgenin esine alady. Ol kezde bas qalanyń ákimi Ádilbek Jaqsybekov bolatyn.

«1997 jyly osynda kóship keldik. Men «Ishım» qonaq úıine turaqtadym. Qonaq úıdiń qazirgi ataýy «Esil». Biraz ýaqyt ótkennen keıin qonaq úıdegi sý toqtap qaldy. Ystyq sý joq, al sýyq sý (krannan – red.) álsin-álsin aǵyp tur. Men Ádilbek Ryskeldiulyna (Jaqsybekov – red.) telefon soqtym. Ádeke, qonaq úıde sý joq dedim. Osyǵan deıin basqalar da osy sebepti habarlasqan bolýy kerek. Ol maǵan: «Siz munda jýynýǵa keldińiz be?», - dedi jaýap berdi», - dep esine aldy Senat tóraǵasy.