Qorǵaýyndaǵy Ásel Batyrbaıqyzynyń(Esimi ózgertilip berildi. -red) sotyna kelgen advokat Baýyrjan Azanovtyń ózi quqyǵyna qol suǵylyp, zardap shekti. Bul týraly «Qamshy» portalyna advokattyń ózi habarlady.

Baýyrjan Azanovtyń aıtýynsha, ol kólik apatynan zardap shekken, qorǵaýyndaǵy Ásel Batyrbaıqyzynyń sotyna barǵan. Astana qalalyq ákimshilik sottyń esigindegi kúzetshi ony esh sebepsiz sotqa kirgizbeı qoıady jáne onyń suraqtaryna jaýap bermeı, bul áreketine eshqandaı da túsinik bermeıdi. Tipti ol Baýyrjanmen sóılespeı qoıý úshin postyn da tastap alystap ketedi. Onyń bul áreketi de zańǵa qaıshy keledi. Sottan keshigip bara jatqan Baýyrjan Azanov amalsyz esiktegi týrnıket astynan kirip ketpekshi bolǵanda, onyń kúzetshi aýyr qylmysker sıaqty qolyna kisen salǵan. Kýágerler uıaly telefonyna túsirgen vıdeoda anyq kórinedi.

Sonyń kesirinen tıisti sot ótpeı qalǵan. Sot ótpeıtini belgili bolǵanda ǵana, kúzetshi áldekimnen kelgen telefon qońyraýynan keıin advokatty bosatqan.  Advokat basymen, qyzmettik kýáligin kórsete turyp ózi qorǵaýshy retinde sotqa qatysa almaǵan, tipti qoly kisendelip, bilegi býnaǵan Baýyrjan Qazaqstandaǵy sot rejımine, quqyq salasyndaǵy ádiletsizdikke ashynady. 

Aıta kete bolsaq, Kózirdi mynadaı jaǵdaıda ǵana taǵady:

Ólim jazasyn oryndaý kezinde,

Tym qaýipti qylmyskerlerge,

Qate qaýipti qylmyskerlerdi ustaǵan jaǵdaıda,  

Ózin-ózi óltirmekshi bolǵan adamdy ustaǵan jaǵdaıda.

Ómir boıyna bas bostandyǵynan aıyrǵan nemese óte qaýipti qylmyskerlerdi sotqa jetkizerde bolmasa, basqa jaǵdaıda sot otyrysynda kózir taǵylmaıdy