Qaraǵandy oblysynda «Arselor Mıttal Temirtaý» kompanıasyna qarasty shahtada taǵy da apat boldy dep habarlaıdy 31.kz
Jer astyndaǵy tóbe jabyndysy opyrylyp túsip, kenshiler úıindiniń astynda qalyp qoıǵan. Bizge jetken aqparat boıynsha 3 adamnyń máıiti tabylyp, taǵy bes adam aýrýhanaǵa jetkizilgen.
Saran shahtasyndaǵy tótenshe jaǵdaı túski saǵat 14.35-te bolǵan. Aldyn ala boljam boıynsha, 700 metr tereńdiktegi aspaly jol qırap, kesirinen barlyǵy 8 adam zardap shekken. 3 jumysshy oqıǵa ornynda jan tapsyrsa, taǵy 5 adam aýrýhanaǵa jetkizildi.
SERGEI MÝSTIVKO, Saran shahtasynyń dırektory:
- Úsh jumysshy qaza tapty, beseýi aýrýhanaǵa jetkizildi, ishindegi bireýi tym aýyr halde jatyr.
Apattyń shyǵý sebebin arnaıy komısıa músheleri anyqtap jatyr. Tekseris bir aptaǵa deıin jalǵasady dep kútilýde. Al qaza bolǵan 3 adamnyń Qaraǵandy qalasynyń turǵyndary ekeni belgili. Saran shahtasynyń ókilderi 3 jumysshynyń otbasylaryna sýyq habardy jetkizgenderin aıtady.
MARAT MIRGOIaZOV, «Qorǵaý» kásipodaǵynyń tóraǵasy:
- Bul jaǵdaıǵa baılanysty Astana qalasynan arnaıy shaqyrtyp, komısıa taǵaıyndalady jáne de tergeý jumystary jaıly sizderdi habardar etip otyramyz
Aýrýhanaǵa jetkizilgen bes adamnyń jaǵdaıy ortasha deńgeıde. Dárigerler olardyń bas pen janbas súıekteri qatty zaqymdanǵandaryn aıtady. Al qaıtys bolǵandardyń eń jasy 25-te bolsa, úlkeni 55 jasta eken. Barlyǵy otbasyly azamattar bolǵan. «Arsellor MıttalTemirtaý» AQ-na tıesili Saran basshylary jumys ornynda qaza bolǵan adamdardyń jaqyndaryna qajetti kómek kórsetemiz dep otyr.
