allfight.ru saıtynda «Sergeı Zavıleıskıı: «Game of thrones» telehıkaıasyndaǵy rólge Fırýza Sharıpova qarastyrylady» degen málimet paıda boldy. «Qamshy» portaly atalmysh telehıkaıasynyń tanymaldyǵyn eskere otyryp materıaldy qazaq tiline aýdaryp, oqyrman nazaryna usynýdy jón kórdi.

Qazaqstandyq kásipqoı boksshy Fırýza Sharıpova tanymal telehıkaıa «Game of thrones»-ke túsýi múmkin. Bul jaıly áıelder boksynyń dúnıejúzindegi alǵashqy promoýterlik kompanıasynyń bas dırektory, qazaqstandyq boksshynyń menedjeri Sergeı Zavıleıskıı habarlady.

«Maǵan Gollıvýdtan qońyraý shalyp, Fırýzamen belgili bir formatta vıdeo jazýdy usyndy. Beınerolıkty «Game of thrones» rejıserleri kórip shyǵyp, óz sheshimderin aıtpaq. Televızıalyq prodúserler qazaq boksshysyna qyzyǵýshylyq tanytyp jatqandaryna biz qýanyshtymyz. Suraǵan vıdeolaryn mindetti túrde jiberemiz de oń jaýap kútemiz. Soltústik Irlandıada túsirilip jatqan atyshýly telehıkaıanyń 7 sezonynda Fırýza boı kórsetedi degen úmittemiz deıdi Sergeı Zavıleıskıı.

Fırýza Sharıpova vesti.kz saıtyna bergen suhbatynda " Bul telehıkaıaǵa túskim keledi. Kerek bolsa bokstasatyn ýaqyttardy ózgertemin. Sebebi qatty qyzyǵýshylyq tanytyp otyrmyn. Óz basym Deıenerıstiń jeke kúzetshisi bolǵym-aq keledi. Biraq ony sheshetin men emes, árıne» dedi.

Esterińizge sala keteıik, tanymal boksshy qyz Fırýza Sharıpova ózin jaqynda ǵana telejúrgizýshilik qyrynan tanytty. Sodan soń oǵan birden  eki fılmge túsýge usynys kelip tústi.  
 

Aýdarǵan: Jazıra Baıdaly