Terorızm boıynsha aıyptalǵandar 10-nan 14 jylǵa deıin bas bostandyǵynan aıyryldy, - dep habarlaıdy Tengrinews.kz aýdanaralyq qylmystyq ister jónindegi mamandandyrylǵan sot zalynan. Olar jazasyn qatań tártiptegi kolonıada óteıdi.

Segiz adam "Terorıstik uıym qurý, jetekshilik etý jáne múshe bolý", "Qarý nemese jarlyǵysh zattardy zańsyz satyp alý, saqtaý, tasymaldaý jáne alyp júrý" boıynsha aıypty dep tanyldy. Sýdıa Qaırat Qasymov úkimdi jarıa etý kezinde sottalýshylardyń aıyby jınalǵan dálelder men sottalýshylardyń ózderi bergen kýálikteri negizinde dáleldengenin aıtty. 

Sot sheshimimen Baýyrjan Spambet jáne Erlan Úsenov 14 jylǵa, Dýman Úsenov, Qaıyp Úsenov jáne Keńes Tashmuhametov 12 jylǵa, Murat Mahmutov 11 jylǵa qatań rejımdegi túzeý kolonıasyna, Baqytjan Abdyqoshev jáne Nurbol Qylyshbaev 10 jylyn jalpy rejımdegi túzeý kolonıasynda óteıdi. Barlyq sottalýshynyń múlki tárkilenedi.

Sottalýshylardyń týystary appelásıalyq shaǵym túsiretinin málimdedi.