Qyzylordalyq Gúlbaný Ázimhan «Mıss Qazaqstan-2016» ataǵyn jeńip aldy dep habarlaıdy Tengrinews.kz. Qazaqstannyń eń sulý arýyna tájdi Májilis depýtaty, qazylar alqasynyń múshesi Zaǵıpa Balıeva kıgizdi. Tájben qosa, jeńimpazǵa 5 mıllıon teńge men «Álem arýy-2017» baıqaýyna joldama tabys etildi.

Birinshi oryndy «Astana arýy» Elnaz Nurseıtova ıemdendi. Ekinshi oryndy kókshetaýlyq Janar Naımanbaeva jeńip aldy, kóshbasshy úshtikti «Óskemen arýy» Anastasıa Ýsolseva támámdaıdy.  

Qazylar alqasynyń quramynda Májilis depýtaty Zaǵıpa Balıeva, Rıo Olımpıadasynda kúmis júldege ıe bolǵan Vasılıı Levıt,  «Elle Kazakhstan» bas redaktory Karına Iskakova, «Astana Opera» teatrynyń dırektory Tursynbek Nurqalıev, «Altyn Orda» kompanıasynyń basshysy Yrza Tursynzada, Astananyń Máslıhat depýtaty Asqat Oralov jáne akter, shoýmen Anýar Nurpeısov bar.

Úzdik segizdikke 19 jasar Gúljan Daýletova, «Mıss Astana-2016» 18 jasar Elnaz Nurseıtova, kókshetaýlyq Janar Naımanbaeva, 19 jasar Aıtkúl Nurmanova, «Qyzylorda arýy» Gúlbaný Ázimhanova kirdi.   

Konkýrstyń eń kishkentaı qatysýshysy – 16 jasar Arýna Saǵatbekova. №5 mektep-lıseıiniń oqýshysy.

«Mıss Qazaqstan-2016» baıqaýynda kútpegen jaǵdaılar da boldy. Atalmysh konkýrstyń júrgizýshisi Súndet Baıǵojın qatysýshy qyzǵa úılenýge usynys jasady. Onyń tańdaýy atyraýlyq 19 jasar arý Aıtkúl Nurmanovaǵa tústi.

«Mıss Qazaqstan-2016» baıqaýyna 25 arý qatysty. Konkýrs Astana qalasynda ótti.