Ánshi óziniń úshinshi ret  turmys qurǵandyǵy jaıly «Aıta bersin» baǵdarlamasyna bergen suhbatynda aıtqan bolatyn dep habarlaıdy stan.kz

Aqbota Kerimbekova 40 jasqa tolyp, toı jasady. Bala kúninen týǵan kúnin atap ótkendi jaqsy kóretin ánshi dos-jarandary men týǵan-týystarynyń basyn qosty. Óz sózinde ánshi toıda súıiktisiniń de júrgenin aıtyp qaldy. Alaıda ánshi ózi tańdaǵan er azamatyn sol kúıi jarıalamady.

“Baqytty bolýǵa eshqashan kesh emes”, – dedi ánshiniń ózi.

Al Aqbotanyń anasy Bıbiajar Mahanbetova qyzynyń úshinshi ret turmys qurýyna qarsy emes ekenin jetkizdi.

“Ózim óner adamy bolǵan soń Aqbotany 100 paıyzǵa túsinemin. Óıtkeni ómir degen bir-aq ret beriledi. Taǵdyr ártúrli bolady. Onyń bárine kóný kerek. Onyń bárine shúkirshilikpen qaraý kerek. Allaǵa shúkir, jalǵyz qyz bolyp ósti, erkelep ósti. Árbir ata-ana balasynyń jetistikke jetkenin qalaıdy. Shúkir deımin, táýba deımin. Jalǵyz qyz bolyp erekelep, basqa jolǵa túsip ketse, ne ister edim? Úsh balasyn tapty, kúıeýlerine de adal boldy. Ana retinde qyzyma rahmet aıtamyn. Menen eshteńe jasyrmaıdy, óıtkeni qurbysy menmin.

“Buǵan deıingi azamattar saǵan ilese almady. Sen óz bıigińde qal. Halyqtyń, óner adamysyń. Halqyń aman bolsyn. Halyq aman bolsa, sen árqashan jarqyraısyń. Odan problema jasama”, – dep aıtyp otyramyn”, – deıdi ol.

Aıta keteıik, eki nekesi sátsiz aıaqtalǵan soń Aqbota Kerimbekova buǵan deıin de úshinshi ret kúıeýge shyǵýǵa talpynys jasaǵan. Alaıda ánshiniń bul oıy sátsiz aıaqtalǵan bolatyn.