Ótken demalys kúnderi Almatydaǵy iri kásipterdiń birin júrgizip otyrǵan qytaılyq Lın Veıszıge belgisiz bireýler qastandyq jasap, óltirmekshi bolǵan. Bul jaıynda caravan.kz saıtynda jarıalanǵan bolatyn. Maqalanyń qazaqsha nusqasyn Qamshy portaly oqyrman nazaryna usynady.

Bul jaıynda Lın Veıszı myrza basshylyq etip otyrǵan «Maolın» kompanıasynyń baspasóz qyzmetkerleri málimdegen bolatyn.

10 jeltoqsan kúni túngi 1:40 shamasynda betterin tumshalar alǵan belgisiz úsh kisi fabrıkanyń shatyrymen kompanıanyń jataqhanasyna basa kóktep kirgen. Júrgizýshini uryp-soǵyp, baılap, mekemeniń birinshi qabatyna túspek bolǵan.

Kompanıa dırektory Lın Veıszı dybystardy estip qalyp, ekinshi qabattan túsip qaraǵan kezinde, betin maskamen tumshalap alǵan beıtanys erkekti kózi shalǵan. Qylmyskerler fabrıkanyń múlkin tonamaqshy bolǵan. Lın Veıszı myrza uryny  toqtatpaq bolǵanda kásipkerdiń ózine bas salyp, soqqyǵa jyǵa bastaǵan. Birer mezetten soń eki sybaılasy kelip qosylyp, úsheýi birge jabylǵan.

Kúzet kelgen sátte urylar dereý izderin sýytyp úlgergen, alaıda ózderimen birge eshnárse alyp kete almady. Lın Veıszı qatty zardap shekken. Baspasóz qyzmetkeriniń aıtýynsha, dárigerlerge kásipkerdiń betine birneshe ıneler tyǵyp emdeýge májbúr bolǵan. Lın Veıszıdiń qazirgi jaǵdaıy máz emes – únemi basy aýyryp, tynysy tarylyp júredi eken.

Aýdarǵan: Nazerke Labıhan