Darıǵa Nazarbaevanyń jary Rahat Álıev Qazaqstandaǵy quzireti myqty ári mıllıoner adamdardyń biri bola tura, Avstrıalyq abaqtyda qaza bolǵan. Qazirgi tańda onyń ólimine qatysty shyndyq jarıa boldy: Álıevke qastandyq jasalǵan.
Nemistiń medeksperti Brend Brıkman "2015 jyly Vena túrmesinen óli tabylǵan Elbasymyzdyń kúıeý balasy, mıllıoner Rahat Álıevke zorlyq kórsetilip, ony qasaqana óltirgen" degen tujyrym jasady. Bul jaıynda nemistiń baspasóz qyzmetteriniń biri - Die Zeit gazetinde jarıalanǵan.
Brıkman bul tujyrymdy Álıevtiń advokatynyń nusqaýymen jasaǵan, osy ýaqytqa deıin Avstrıada qoǵamnyń talqysyna túsken Álıev isindegi bul tujyrym – halyq kútpegen jańalyq boldy. Eksperttiń aıtýynsha, Álıevtiń aýyz-murnyn tumshalap, keýdesinen basyp, tunshyqtyryp óltirgen jáne de qylmyskerdiń jalǵyz bolmaýy da ábden múmkin.
Avtsrıa elshisi ári arnaıy qyzmet basshysy – Rahat Álıevtiń máıitin 2015 jyldyń aqpan aıynda túrmedegi baqylaýshy men medbıke asýly turǵan kúıinde taýyp alǵan. 2015 jyldyń aıaǵyna qaraı Avstrıa eliniń prokýratýrasy onyń qanynyń quramynan belgisiz bir zattardyń tabylǵandyǵyn málimdegen bolatyn. Ekspertızalyq qorytyndy júrgizgenderdiń ekeýi ony ózine qol jumsady dep topshylaǵan.
Birneshe jyldar boıy Rahat Álıev Darıǵa Nazarbaevanyń jary, Nazarbaevtyń qaramaǵyndaǵy adam boldy. Ol – parlament senatynyń depýtaty qyzmetin atqarǵan. 2001 jyly Álıev dıplomatıalyq kelisim jasaý úshin bir iske jumsalady, keıinnen 2007 jyly ajyrasyp, Álıevtiń ústinen is qozǵalady. Ony «Nurbank» komersıalyq bankiniń ekstóraǵasyn urlap ketti dep aıyptady.
Álıevtke elde tóńkeris jasaý maqsatynda terorıstik toppen birikti dep aıyp taǵyp, ony 20 jyl bas bostandyǵynan aıyrý jaıly sot úkimi shyǵarylǵan bolatyn. Nazarbaev ony Qazaqstanǵa qaıtaryp alǵysy kelgende, Avstrıanyń bıligi Álıevti Qazaqstanǵa qaıtarýdan bas tartyp, elimizde ol jeńil jazamen qutylyp ketýi múmkin dep kúmándandy.
Álıev ózine taǵylǵan aıypty moıyndaǵan joq. Avstrıalyq Profil jurnalyna bergen suhbatynda Álıev ózine ne sebepti terorıstik toptyń basshysy dep aıyptalyp, ústinen is qozǵalǵandyǵy jaıly málimdegen bolatyn.
«Meniń eń basty qateligim – ózimdi Qazaqstannyń Prezıdenttik taǵyna usynyp, Nazarbaevtyń pikirimen kelispeı, basqasha sóılegenim jáne de reformaǵa aralasqandyǵym», - dep aıtqan edi. Sonymen qatar: «Nazarbaevtyń maǵan shúıligýi - elimizdegi barlyq iri kásipkerlerge jasaǵan eskertýi bolatyn, sondyqtan da Nazarbaevqa qarsy shyqpańdar, olaı istegen kúni qoldaryńdaǵy barlaryńnan aıyrylasyńdar», - dep málimdedi.
Álıevtiń aıtýynsha, Nazarbaev onymen tildesken kezde tek óziniń ǵana taqta ómir boıy otyratynyn ashyq jetkizgen eken: «BAQ-ty, bálkim, iri kásipkerler baqylaıtyn shyǵar, alaıda, bul – meniń elim. Qazaqstanda barlyǵy da meniń aıtqanymdy isteıdi, tek sen ǵana maǵan baǵynbadyń», - dep óziniń oıyn aıtqan eken Elbasymyz.
Elbasymyzǵa qarsy shyqqan adamnyń kórer kúni osy ma? Endeshe, shyndyq qaısy jáne kináli kim?
Qamshyger: Nazerke Labıhan
