Ońtústik Qazaqstan oblysynda bir turǵyn úsh nóli men úsh "O" áripteri bar Infiniti kóligin vıdeoǵa túsirip alǵan. Rolık avtorynyń aıtýynsha, bul mashına Shymkentte júr eken.
Tengrinews.kz redaksıasyna erekshe nómirli avtokólik túsirilgen vıdeo joldanypty. Tilshiler osy oqıǵanyń mán-jaıyn anyqtaý úshin QR İİM Ákimshilik polısıa komıtetindegilerge habarlasqan. Komıtet ókilderi bul nómirdiń tirkelmegenin aıtty. Olardyń aıtýynsha, vıdeodaǵy kóliktiń nómiri jalǵan nemese qoldan jasalǵan bolýy múmkin. Vıdeo avtory bul oqıǵanyń Shymkentte bolǵanyn aıtyp ótkendikten, Ońtústik Qazaqstan oblysynda jedel izdestirý sharalaryn júrgizýge jáne ol kóliktiń ıesin ustap, ákimshilik jaýapkershilikke tartýǵa nusqaý berildi. İzdestirý sharalary barlyq jerde júrgiziledi - baǵyttamalar da barlyq óńirlik bólimshege taratylatyn bolady. Biraq hattama qylmys jasalǵan jerde toltyrylady", - dedi komıtettiń resmı ókili Irına Lýkánına.
Aıta keteıik, qylmystyń bul túri úshin QR Ákimshilik quqyq buzýshylyq týraly kodeksiniń 590-babynyń 4-bóligine sáıkes ("Kólik quraldaryn paıdalaný qaǵıdalaryn buzý") ákimshilik jaýapkershilikke tartý qarastyrylǵan. Mundaı erejebuzýshylyq jasaǵan adam 20 aılyq eseptik kórsetkish kóleminde aıyppul tólep nemese bir jylǵa deıin kólik júrgizý quqyǵynan aıyrylýy múmkin.
