Bir jeti buryn Qostanaıda eki kósheniń aty ózgertilgeni jaıly Qamshy portaly jarıalaǵan bolatynbyz. Alaıda, ol máselege qatysty daý-damaı áli kúnge deıin tolastar emes.

Zulqarnaı Aldamjar atyndaǵy Qostanaı sosıaldy-tehnıýalyq ýnıversıtetiniń basshysy Bıbigúl Aldamjar bul iske qatysty óziniń narazylyǵyn bildirdi. Ol kisi 6 jeltoqsan kúni Qostanaıdaǵy Gersen men Taran kósheleriniń atyn ózgertýge qatysty qoǵamdyq jınalysqa qatysqandyǵy jaıly 365info.kz saıty habarlaıdy, qazaqsha nusqasyn Qamshy portaly oqyrman nazaryna usynady.

Kóshelerdiń atyn aýystyrý máselesinde qoǵam ekige bólindi. Biri – Qobylandy batyr esimin bereıik dese, ekinshi jaq – Zulqarnaı Aldamjar atymen ataıyq desti. Birinshi taraptyń Zulqarnaı Aldamjar esimimen ataýǵa kelispegendikteri ýnıversıtet basshysynyń ashýyna tıip ketti.

– Keıbir adamdar reseılik shovınızmge berilip, óziniń ne aıtyp otyrǵanyn túsinip turǵan joq. Neden qorqasyńdar, qazaqtar?, - dep shamdandy Bıbigúl Aldamjar.

Komýnıser, sender osynyń barlyǵyn óz aqshalaryńa saldyńdar ma?, - dep sózin jalǵady.

 – Al, meniń ákem nesıe alyp, saldy. Myna Qostanaı ýnıversıtetiniń buzylǵan  mekemesiniń salynýyna  2 mln qarajat ketti. Sonyń nesıesin 7 jyl boıy tóledik. Bulaı dep aıtatyndaı senderdiń qandaı qaqylaryń bar?

Biz mádenıet úıin 450000 dollarǵa satyp alǵanbyz. Osy kúnge deıin sonyń nesıesin tóleýmen kelemiz. Al, myna jastarǵa qarańyzdarshy, olar ne dep jatyr. Olarǵa Gersen kóshesi men Pýshkın kóshesi qymbat pa? Ondaı dáneńe de joq, qymbattylarym. Olar jáı ǵana qorqady, erteń memleket aldynda jaýapqa tartylamyz dep qorqady.

Bul jınalystan keıin Gersen kóshesiniń aty Qobylandy batyr esimine, Taran kóshesi – táýelsizdik kóshesi bolyp aýysady dep sheshim qabyldanǵan bolatyn. Biraq bul istiń daýy munymen bite qoımady.

9 jeltoqsan kúni qalalyq máslıhat depýtaty Sáıt İsmuratov Qostanaı ákimshiligine jınalysta bolǵan jaǵdaıǵa baılanysty isti qaıta qaraýyn buıyrǵan.

– Qostanaı qalasynyń birtýar tulǵalaryn qorǵańdar. Qazaqtyń atynan eshkimge de aýyz ashyp qaramaýymyz kerek! – dep  kezeksiz maslıhat jınalysynda İsmuratov qalalyq ákim orynbasary Bıbigúl Akkýjınovaǵa málimdegen bolatyn.  

13 jeltoqsanda Qostanaı ákimi Qostanaı ýnıversıtetine Aldamjarovanyń  óreskel is-áreket kórsetkenine qatysty hat joldaǵany málim boldy.

Daýǵa ulasqan kóshe ataýlaryna keler bolsaq, olardy aýystyrý jumystary respýblıkalyq onomastıkalyq komısıa músheleriniń qorytyndysynan keıin ǵana júzege asyrylady. Bul máselege qatysty jınalysta daýys berý quqyǵyna tek depýtattar ıe bolǵan. 

Aýdarǵan: Nazerke Labıhan