WBA (Super), IBO, WBC jáne IBF boıynsha orta salmaqtaǵy álem chempıony Gennadıı Golovkınniń esimi Gınnestiń rekordtar kitabyna jazyldy dep habarlaıdy www.inform.kz tilshisi.

Golovkın osy marapatqa eń úzdik nokaýter retinde ıe bolyp otyr. Osy ýaqytqa deıin Gennadıı 36 jekpe-jek ótkizip, 33 kezdesýdi nokaýtpen aıaqtaǵan. Osylaısha, qazaqstandyq boksshyǵa tıesili nokaýttardyń sany jalpy jekpe-jekterdiń 91,6 paıyzyn qurap otyr. Bul orta salmaqtaǵy chempıondardyń arasyndaǵy eń úzdik kórsetkish bolyp sanalady. Osyǵan oraı, Gollıvýdta ótip jatqan Búkilálemdik boks keńesiniń (WBC) kezekti konvensıasynda Gennadıı Golovkınge Gınnestiń rekordtar kitabynynyń tıisti kýáligi tabystady.

Budan bólek, Golovkın WBC tujyrymy boıynsha Kell Brýkpen ótkizgen jekpe-jegi úshin arnaıy syılyqqa ıe bolyp, eń domınantty boksshy retinde tanyldy.    

«Búkilálemdik boks keńesiniń (WBC) bir bóligi bolý - men úshin úlken abyroı. Men sizderdiń qoldaýlaryńyzdy joǵary baǵalaımyn»,- dep jazdy G.Golovkın Instagram jelisindegi paraqshasynda.