Shymkentte osydan eki aı buryn bolǵan joıqyn jarylystyń qupıasy ashyla bastady. Beton qabyrǵalarǵa deıin qulatqan úıindiniń astynda “baýyrymyzdyń denesi jatyr” dep, İzbasqan Erǵaranyń týystary qansha jerden zar ılegenimen, sol kezde qutqarýshylarda, polıseılerde senbeı, úıindini arshyp, denesin izdeýge qulyq tanytpaı qoıǵan. Aqyry, qoldaryna kúrek alyp, óz betterinshe 50 kún boıy qazǵan jaqyndary, máıitti alyp shyqty dep habarlaıdy halyknews.kz
Máıiti úıindiniń astynda qaldy degen týystarynyń sózi búgin rastalyp otyr. Dál osy eski qurylystyń úıindi astynan búgin quzyrly oryndaǵylar qyryq jastaǵy İzbasqan Erǵaranyń máıitin arshyp aldy.
Oqıǵa ornyna kelgen İzbasqannyń týystary túsirilim tobyn ishke kirgizbekke árekettendi, alaıda polısıa ókilderi basshylar áli kelmedi, ruqsat joq dep tıym saldy. Bul jaǵdaı qaıǵyrǵan kisilerdiń ashýyn keltirdi.
Shymkenttegi Qorǵasyn zaýytynyń eski ǵımaraty mańyna polıseıler kóp jınaldy. Bári jedel toptyń kelýin kútýde. Sondaı-aq, İzbasqannyń máıiti tabyldy degendi estip kelgen onyń týystary da osynda. Máıit jatyr degenge senbegenderdiń biri tótenshelikter bolsa, endi biri mine, osylar – degen marqumnyń týystary polıseılerdi nusqap kórsetýde.
MAI ERǴARA, İzbasqannyń aǵasy:
– Qyryq toǵyz kúnnen beri osynda jatyr. Osynda birneshe adam jatyr, ne tolko on. Onyń aldynda da bir ólik shyqqan. Bulardyki nıkakoı, obsolútno bezdeıstvıe. Ssylka tolko. Mılısıa oǵan. Anaý mynaǵan.
İzbasqannyń týystaryna qazba jumystaryn júrgizýge tyıym salýshylar kóp bolǵan. Eń aldymen apatty ǵımaratqa kúzetshiler jibermese, keıin kepildegi múlik dep bank qarsy shyqqan. Tótenshelikter men polısıa da, tipti ákimdik te at tonyn ala qashqan. Týystary Prokýratýraǵa, Prezıdent ákimshiligine deıin jazǵan shaǵymdardan soń, az ǵana qozǵalys bolǵan. Arnaıy jasaq túske jaqyn máıitti tapqan. Al tótenshelikterdiń on jumysshysy men arnaıy tehnıka jasaǵy jumysty tańǵy on shamasynda bastaǵanyn aıtady. Aldymen qaýip týdyratyn kedergilerdi joıyp, keıin qazýǵa kiristik deıdi. Alaıda máıit týystary aıtqan orynnan aryraq jerden shyqty dep otyr.
TALǴAT BAISARIEV, Jedel jasaq basshysynyń orynbasary:
– Nátıjesinde joǵalǵan kisi tabyldy máıiti. İshki ister basqarmasynyń qyzmetkerleri men týystaryna máıit alyp shyǵarylyp berildi.
Polısıadaǵylar máıitti saraptamaǵa jiberetinin aıtyp otyr. Týystary artynsha jerleýge alyp ketemiz dedi. Elý kúndeı úıindi astynda qalǵan marqum İzbasqandy izdeýge qulyq tanytpaǵan quzyrly oryndaǵylar ústinen ashynǵan aǵaıyndary shaǵym beretindikterin de jasyrmaı otyr.
