Almaty Táýelsizdiktiń bastaýynda turǵan qala edi. Al qazir she? Muny kim elep-eskerip jatyr? Qazaqqa qaı mereke qymbat? Táýelsizdikti buryn toılarymyz belgili, endeshe Jańa jylǵa nemenege asyǵamyz? 

Aıtylmaı jatqan joq. Aıtyp ta, jazyp ta jatqan da jaıymyz bar. Jurt qulaǵyna jetip jatqan shyǵar. Alaıda bıliktiń oıyna da kirip shyqpaıtyn sıaqty. Kirse de, shyǵyp ketedi. Jeltoqsan bastala sala taǵy da Jańa jylǵa daıyndyq bastalyp ketti. Ózge óńirlerdi qoıshy, Almatyǵa ne joq?

Táýelsizdik Almatydan bastalǵan edi ǵoı. Almaty ákimdigi muny qalaı umytty?

Ómirjan Ábdihalyq óziniń jelidegi paraqshasynda osy másele tóńireginde ákimshilikke dóp basyp suraq qoıypty:

«Úkimettiń, Almaty qalasy ákimdiginiń nazaryna!
«1 jeltosqannan bastap, qalada jańa jyldyq bezendirýler jasaý» týraly ákimdik barlyq jerge nusqaý beripti deıdi. Demek, Táýelsizdiktiń 25 jyldyǵyna ákimdiktiń túkirgeni bar. Mundaı ákimdiktiń áreketin basqasha túsiný múmkin emes!
25 jyldyq ótkenshe qoıa turýǵa, shydaı turýǵa bolmaı ma?
Ne sebepti, qandaı negizge súıenip Táýelsizdik merekesi ótpeı, 1 jeltoqsannan bastap jańa jyldyq bezendirý sharalaryna nusqaý berdińizder? Osyǵan jaýap berseńizder!»

Buǵan Baıbek myrza ne dep jaýap berer eken?..

Qalamyzǵa jańa jas ákim keldi dep tóbemiz kókke bir eli jetpeı qalǵandaı qýanyp edik. Baýyrjan Baıbektiń bul qylyǵyn qalaı túsinýge bolady?. Dál osy Admatyda elimizdi, jerimizdi qorǵap, halqymyzǵa táýelsizdik syılaǵan sol qurbandardyń kóz jasy qaıda qaldy?! Qazaq halqy ózimizdi qasqyrdaı rýhty elge balaımyz. Endeshe sol rýh qaıda, ultqa degen mahabbat, ata-babalar árýaǵyna degen taǵzym qaıda? Jyl saıyn qanshama kúnáli isterge, apattarǵa, jalyndaǵan órtke, adam ólimine sebep bolatyn hrıstıan dini merekesiniń ózimizdiń táýelsizdigimizden nesi artyq?! Toılanbaı qalmasy belgili ǵoı, alaıda, eń aldymen bıylǵy Táýelsizdigimizdiń 25 jyl mereıtoıyn dúbirletip ótkizgen durys bolar.