«Biz qazaqtyń aıtys óneri men búrkitpen ań aýlaý tárizdi dástúrlerin IýNESKO-nyń tizimine engizý úshin jumys isteýdemiz. Al atalǵan uıymnyń ataýly kúnder tizbesine Semeı polıgony men Araldy qutqarý qorynyń qurylǵan kúnderin engizýdi josparlap otyrmyz. IýNESKO Ulttyq komısıalarynyń birinshi óńiraralyq keńesiniń Qazaqstanda ótip jatqanyn paıdalanyp biraz isterdi qolǵa almaqpyz», - dedi A.Muhamedıuly.
Aıta óteıik, aldaǵy 22-24 shildede Astana qalasynda IýNESKO isteri jónindegi Ulttyq komısıalarynyń Birinshi óńiraralyq keńesi ótedi. Qazaqstan bul uıymǵa 1992 jyldan beri múshelik etip keledi. Uıymnyń shtab páterinde Qazaqstannyń arnaıy jáne turaqty ókili bar. Qazirgi ýaqytta bul qyzmetti belgili qoǵam qaıratkeri Oljas Súleımenov atqaryp keledi. Al uıymnyń Qazaqstandaǵy komısıasyn Astana qalasynyń ákimi Imanǵalı Tasmaǵambetov basqarǵan bolatyn. Qazirgi ýaqytta (osy jyldyń 30 sáýirinen beri – Avt.) QR Mádenıet mınıstri Arystanbek Muhamedıuly basqarady.
Nurserik JOLBARYS
baq.kz
