Bilim jáne ǵylym mınıstrliginiń habarlaýynsha, Qazaqstan bıyl joǵary oqý oryndarynda oqýǵa 34 myń 165 grant bóldi.

Onyń ishinde kúndizgi oqý bólimine - 31 myń 135 grant, syrttaı oqýǵa - 500, daıyndyq bólimine 2 myń 530 grant bólingen.

Grant ıeleri respýblıkalyq konkýrs arqyly anyqtalady. Grantqa ótinish pen qujat qabyldaý 31 shildege deıin jalǵasady.

Bilim jáne ǵylym mınıstriniń orynbasary Tahır Balyqbaevtyń aıtýynsha, bıyl tehnıkalyq ǵylymdarǵa 12 myń grant bólingen.

«Sonymen qatar, granttaǵy 5 myń 864 oryn - pedagogıkalyq mamandyqtarǵa, 2 myń 650 oryn aýyl sharýashylyǵy jáne veterınarıa mamandyqtaryna bólinip otyr» dedi vıse-mınıstr.

Qazaqstan byltyrǵy oqý jylyna 34 myń 115 grant bólgen edi.

Qazaqstannyń "Bilim týraly" zańynda "Bilim berý granty – kásiptik bilim alýǵa tóleý úshin Qazaqstan Respýblıkasynyń zańnamasymen belgilengen sharttarmen bilim alýshyǵa beriletin aqshanyń nysanaly somasy" dep kórsetilgen. Grantqa qoly jetken talapker oqýyn bitirgen soń bul qarajatty qaıtarmaıdy.

Qazaqstanda bıylǵy UBT-ǵa (ulttyq biryńǵaı testileý) 87 myń 593 (mektep bitirgenderdiń 95 paıyzy – red.) túlek qatysty.

Azattyq.org