Qazaqstandyq jáne reseılik aqparat betteri ekonomıkalyq odaqtyń óz valútasy bolatyny týraly jarysa jazýda. Kelesi jyldyń birinshi qańtarynan bastap jumys isteıtin EAEO-nyń aldaǵy 5-10 jylda óz valútasy bolmaq. Iaǵnı onsyzda quny joq teńgeniń janazasy jaqynda shyǵyp qalady degen sóz. Osyǵan deıin ortaq valúa týraly áńgimeni kóldeneń jurt aıtyp kelse bul joly RF-nyń bildeı vıse-premeri Igor Shývalov aıty. Ol Sovet odaǵynyń taraýyn jaı ǵana ekonomıkalyq keńistiktiń ydraýy dep túsinedi eken. Astana arnasy jańalyqtaryna qarańyz, Eýrazıalyq odaqqa qol qoıylar aldynda bul suraqtan barynsha aınalyp ótip, bul másele talqylanbaıdy dep júrgen Shývalov endi eldiń qulaǵyna sýyq sóz salyp jatyr.
Valúta - memleket táýelsizdiginiń kepili, ulttyq rámiz sipetti. Odaq jumysy bastalmastan kóptegen «ortaqtar» týraly áńgimeler qylań berip jatyr. Eshqandaı «saıası sypaty joq» odaq qujatyna qol qoıylardan buryn, Másimovtyń birinshi orynbasary Baqytjan Saǵyntaevortaq valúta bolmaıdy dep kesip aıtqan bolatyn. Endi ony áriptesi «ótirikshi» qylyp otyr.
Jap-jańa odaqtyń 1 qańtarǵa deıin biz bilmeıtin áli qansha syry ashylatynyn kim bilsin, eń bastysy bılik halyqty aldamaýy jáne talap-tilegin tyńdaýy kerek. Osy rette Baqytjan Ábdirulynan óz «ótiriginiń» syryn túsindirýdi suraımyz. Odaqpen birge ozyq el bolamyz dep orǵa túsip júrmeımiz be? Ekonomıkalyq keńistikte Qazaqstannyń tabatyn paıdasyn emes, beretin bodaýy qanshalyq bolatyny bilgimiz keledi.
Nurǵalı Nurtaı
“Qamshy” silteıdi
