Men Ásemǵazy Qapanuly Qas Jolymbetpin. Babalarym İle boıyn, Quljany meken etkeli tórt ǵasyrǵa jýyqtapty. El Ata joldy sýytpapty. Táńiriniń qalaýymen meshin jyly men de Chınde týyppyn, sonda oqydym, sonda óstim. Ana tiddi umytpapyn, ústine Chın tilin bildim, jazýyn jazdym...
... 45 tiń 25 i TELE jaqta ótti. Arasynda 5 jyldy Úlken-kishi teleotaýlar jepti. Jastaıymnan kúshimdi, isimdi TV-ǵa berdim, otynan kirdim, sýynan shyqtym... ... Basqy 10 jyldaı ýaqytymdy Chın jaqta TabyǵashTVda ótkizdim. Meni Tabyǵash qyzyqtyrmady. Atam Qapannyń, Ájem Sekerdiń, týǵan Anam Ajardyń arýaǵy qoldap, aǵam NurTegin Tór-Úkimetin ornatqanda Qapanuly irgeles Almatyǵa jol aldy, Ákem Imash batasyn berip shyǵaryp saldy.
... Bir jarym jyldaı ýaqyt tez ótti, sosyn júrdek otarbamen Arqaǵa kóshtim. Arqa aıaz boldy, úısiz júrip biraz "tońdym". Tońǵanda óshpedim, jylynǵanda bóspedim. ... Habarda... Prezıdent TV keshende... AstanaTV da... ERA-TV da... Jetinshide istedim... ... jeke de istedim. Kóbinese Dýblájda dýblbasy boldym, baǵdarlama jasadym, dok\fılm «Kúltegindi», «Tańjaryqty», «Kók týymdy» jáne kóp fılmdi túsirdim, beınebaıan quradym. Maqtady... dattady... kóbi jaqtady. ... Orys Anǵyl tilderin jetik emes úırendim, "resimı" kóbeıgende jırendim... Chın tilinen serıaldar qotardym. Konfýsııdi aýdarýǵa bet aldym, ony FB-ǵa shetinen joldadym. ... aıanbaı istedim, arzan kezde Qoıandydan jer ap, kıiz úı panalap, kirpishten úı jasadym... Týmalarymdy tarttym. Qaryndas uzatyp, quda bop quıryqbaýyr asadym.
... Telede jaqsylar kóp edi, jamandar da bar edi. Jaqsylarmen birge boldym, jamandardan irge bóldim. ... Aıjan Chın mektebin byltyr bitirip bilimin saılady, qyzym tym jas bolsa da qazaq, anǵyl, japon tilderinde erkin saırady... oqysa dedim, aq tilegimdi, bar dollarymdy berip ony kúz bolǵanda Japon eline oqýǵa baıladym, ol "Ákem jolyn qýam" dedi, men qýanyshtan jaınadym. ... Men telege baýr bastym, Ana tilimdi súıdim, sol úshin teleden ketpedim. Ketirgen kezde qaıtadan bettedim. Dástúrim saqtalsyn dep, úmitim aqtalsyn dep MEN taǵy "Til" dedim, "Tilmen" máńgi birgemin! Qolymdy qoıdym, mórimdi bastym.
(Jylqy jyly kókektiń onbir jańasy, Qoıandy)
Ásemǵazy Qapanulynyń "Facebook" áleýmettik jelidegi paraqshasynan.
