Túrkıa keshe Izmır qalasynda bolǵan lańkestik shabýyldy talqylap jatqanda, AK partıa (Úkimet basyndaǵy partıa) tún jarymynda Májilis otyrysyna úlken daý týǵyzatyn joba usyndy dep habarlaıdy haberdar.com.

AKP tún jarymynda Túrkıa Respýblıkasy Joǵary Májilisine bir zań jobasyn usyndy. AKP depýtattarynyń qoly qoıylyp, Májiliske usynylǵan zań jobasy boıynsha: Kyzyl aı, Ieshıl aı, Darýlajeze, Darýshshafaka jáne Túrik áýe joldaryna beriletin memleketke qatysty jyljymaıtyn múlikter atalmysh mekemeler tarapynan ózindik qunynyń jarty baǵasyna satylatyn bolady. Zań jobasy «Mekemelerdiń mal-múlki «TÝRGEV» jáne «Ansar» sekildi qorlarǵa satyla ma?» degen suraq týǵyzdy.

Túrkıa halqy Izmır qalasyndaǵy lańkestik shabýyldy talqylap jatqan ýaqytta Májiliske usynylǵan zań jobasyna qarsylyq bildirgen  Respýblıkalyq halyq partıa (opozısıalyq partıa) depýtaty Engın Altaı «Oıan, Túrkıa! Tún jarymyndaǵy qaýlymen Ansarǵa jáne TÝRGEV-ke memleket múlki aýdarylaıyn dep jatyr» dep jar saldy.

Atalmysh zań jobasyna qatysty RHP depýtaty Gýlaı Iedekchı de málimdeme jasady. Ol «Taǵy da AKP tún jarymyndaǵy qaýlymen keldi. Qorlar memlekettiń múlkin ózindik qunynyń jarty baǵasyna satatyn bolady» dedi. «Ańsar» jáne «Týrgev» qorlary el prezıdenti Rejep Taıp Erdoǵannyń uly Bilál Erdoǵanǵa tıesili. Izmır sekildi qalada terrorlyq akti oryn alyp jatqanda AKP sekildi el bıleýshi partıanyń mundaı áreketi oılantarlyq. 

Berik Myńjasar