Amerıkalyq Apple kompanıasynyń jańa iPhone 6 smartfonyn tanystyrý baspasóz konferensıasy 9 qyrkúıekte ótedi. Bul týraly «alma» ónimderi jaıly senimdi aqparatty dástúrli túrde jetkizýshi  Recode saıty habarlaǵan.

QazAqparattyń jazýynsha osyǵan deıin saıt smartfonnyń 16 qyrkúıek kúni tanystyrylatynyn jáne satylymǵa 14 qazanda shyǵatynyn málimdegen bolatyn.  Derek kózderi ázirge Apple-dyń qyrkúıek aıynda apparattyń birden eki nusqasyn - 4,7 jáne 5,5 dúım ekrandy nusqalaryn tanystyrady degen aqparatty taratpaı otyr.

Sarapshylardyń pikirinshe, jańa iPhone-nyń 13 megapıkseldi kamerasy, eki ıadroly A8 prosesory bolady jáne iPhone 6-nyń synbaıtyn shynymen jabdyqtalǵan. Ol jaqut krıstaldaryn qoldaný arqyly jasaǵan.

Apple kompanıasynyń ókilderi dástúrli túrde daıyndalyp jatqan sharanyń egjeı-tegjeıin sońǵy sekýndtarǵa deıin qupıa saqtamaq. Ázirge eshkim korporasıanyń neni kórsetetinin naqty aıta almaıdy. Osyǵan deıin atalmysh telefon qoldanysqa ener bolsa ǵylym-tehnıkaǵa revolúsıa jasalady degen pikirler aıtylǵan bolatyn.

Qamshy-aqparat