Reıter agenttigi Prezıdent Barak Obama: «Reseı eshteńe de isteı almaıdy. Álem ekonomıkasyna yqpaly artyp kele jatqan Beıjińdi aýyzdyqtaý kerek»,-dep Brıtandyq «Ekonomıs» jýrnalyna suqpat berdi deıdi keshegi aqparatynda .
Obama suhbatynda Beıjińniń áskerı jáne ekonomıkalyq yqpaldaryn eskere otyryp, AQSH-tyń Azıa aımaǵyna júrgizip otyrǵan syrtqy saıasattaǵy qareketteri haqynda toqtalǵan. Deıturǵanmen, AQSH-tyń syrtqy saıasatta sońǵy úsh aıdan beri Reseı qoldaýyndaǵy separatısterdiń Shyǵys Ýkraınadaǵy ornyqsyzdyq týdyrýyn qamtyǵan halyqaralyq daǵdarystarmen kóbirek aınalysqanyn eskertken.
Reseı álemdegi úshinshi úlken munaı óndirýshi jáne ekinshi úlken tabıǵı gaz óndirýshi el ekendigin eske sala ketken Reıterlyqtar: «Eýropanyń Reseı energetıkalyq eksportyna táýeldiligi Batystyń Ýkraına daǵdarysyna bolǵan ustanymdaryn kúrdelilendirip otyr»,- degen ýáj aıta kelip, Ýkraınadaǵy daǵdarys saldarynyń Reseıge tıgizetin zardaby týraly Barak Obamanyń: «Reseı prezıdenti Vladımır Pýtınniń ýaqyttyq saıası múdde úshin týdyrǵan bul túıtkilderi Reseıdiń uzaq bolashaǵyna úlken zalal ákeledi»,-degen pikirin beredi.
Reseıdiń halyqaradaǵy róli týraly: «Reseı túk te isteı almaıdy....Málimetterge negizdelgende, ımıgranttar Máskeýge aǵylyp jatqan joq. Onyń ústine, orys erkekteriniń ortasha ómir súrý uzaqtyǵy 60 jas tóńireginde. Reseı demografıasy toqtaýsyz quldyraýda»,-deıdi AQSH prezıdenti.
Al, kórshilerimen munaıǵa baı ońtústik teńizdegi terıtorıaǵa talasqan, batyspen ıntellektýaldyq menshik quqyǵy máselesi tóńireginde kelise almaǵan Qytaı jaıly Barak Obama: «Meniń Qytaı jaıly eskerte ketetin bir isim: Biz Beıjińge qatal ustanymda bolýymyz kerek, sebebi, olar qarsylyqqa jolyqqanǵa deıin qarsy jaǵyn bar kúshterimen yǵystyrýdan tanbaıdy. Qytaılar túısinbeıdi. Obstarksıaǵa múldem beıim de emes. Al, halyqaralyq normalarǵa mundaı óte qarapaıymdylyq kemdik qylady»,-deıdi. «Eger Qytaı álemniń jiligi tatymaıtyn arzan taýar óndiretin zaýyty bolýdan ıntelektýaldy menshigi qorǵalatyn joǵary sapaly ónim óndiretin zaýytqa ózgergende, onda bizdiń aramyzdaǵy saýdalyq baılanys tipti de ońaılasa túsken bolar edi»,-deıdi Barak Obama.
Derekkóz: Yahoo!News.
http://news.yahoo.com/obama-russia-doesnt-anything-west-must-firm-china-201843411.html
Daıyndaǵan: Talǵar DÁLELǴAZY.
