Qytaıdaǵy jer silkinisinen barlyǵy 589 adam qaza tapty, - dep habarlaıdy Tengrinews.kz  jergilikti buqaralyq aqparat quraldaryna silteme jasap.

Buǵan deıin 410 adamnyń ómiri qıylǵany habarlanǵan edi. Qytaıdyń ońtústik-batysyndaǵy Iýnnan provınsıasynda 3 tamyz kúni magnıtýdasy 6,5-ge teń jer silkinisi boldy. Jerasty dúmpýleri jergilikti ýaqyt 16.30-da tirkeldi. Zilzalanyń epısentri Venpın eldi mekeninen 11 shaqyrym, Chjaotýn qalasynan 29 shaqyrym qashyqtyqta anyqtaldy. Dúmpý oshaǵy 10 shaqyrym tereńdikte boldy.

Zilzala kezinde Qytaıdyń Lýdıan okrýgi kóp zardap shekti. Onda 265 myń adam turady. Telefon baılanysy úzilip, birneshe ǵımarat qırady, elektr jelileri zaqymdandy. Provınsıa bıligi apat aımaǵyna gýmanıtarlyq kómek jóneltti. Jergilikti buqaralyq aqparat quraldarynyń málimetinshe, bul - Iýnnanda sońǵy 14 jyl ishinde bolǵan eń joıqyn zilzala.

Shınhýa agenttiginiń aqparaty boıynsha qazirge deıin 1300 adam qutqarylyp, alǵashqy medısınalyq járdemder kórsetilgen. Apat bolǵan aýmaqta 937 qutqarýshy, 141 arnaıy tehnıka, 17 ıisshil ıt qutqarý jumystary úshin jumyldyrylǵan. Osyǵan deıin úıindiler astynan 66 adam arshyp alynyp, 30 adamnyń ómiri ajaldan aman qalǵan. 4 tamyz QR prezıdenti Nursultan Nazarbaev Qytaı eliniń basshysyn kóńil aıtý hatyn joldady.

Qamshy-aqparat