Syrttaǵy otandastarymyzdyń kelýine jol ashyp, olardyń el ishinde ornalasýyna jaǵdaı jasaýymyz kerek.
Bul týraly búgin Aqordada ótip jatqan Úkimettiń keńeıtilgen otyrysynda Elbasy N. Nazarbaev málimdedi dep habarlaıdy "QazAqparat".
«Biz oralmandardyń jaǵdaıyn jasaýymyz kerek. Al ishki kóshi-qon máselesi týraly buryn da aıtylǵan. Adamdardy jumys oryndary bar jerlerge qaraı jiberý qajet. Ońtústik óńirlerde jumys oryndary az, sondyqtan adamdar bul jaǵdaıdy durys túsinýleri tıis. Qudaıǵa shúkir, Qazaqstan keń-baıtaq. Jumys oryndary ashylýda, ásirese jastar bir jerde otyra bermeı, ár jerge baryp, jumys istep, elimizdiń bolashaǵyn birge jasaýy kerek», - dedi N. Nazarbaev.QR Eńbek jáne halyqty áleýmettik qorǵaý mınıstri Tamara Dúısenova óziniń baıandamasynda atap ótkendeı, bıyl Qazaqstanǵa jalpy sany 35 myń adamdy quraıtyn 13 myń otbasy qonys aýdarǵan. Olardy ornalastyrý «Jumyspen qamtýdyń jol kartasy-2020» baǵdarlamasy arqyly júzege asyrylýda. Sonymen qatar, mınıstrdiń aıtýynsha, qyrkúıek aıynda Parlamentke oralmandardy ornalastyrý máselelerine qatysty zań jobasy engiziletin bolady.
